وسكەمەندە «تابليعي جاماعات» جاقتاۋشىلارىنا قارسى سوت وتىرىسى باستالدى

وسكەمەن. قازاقپارات - بۇگىن وسكەمەننىڭ 2№ قالالىق سوتىندا قازاقستان رەسپۋبليكاسىندا تىيىم سالىنعان «تابليعي جاماعات» قوزعالىسى جاقتاۋشىلارىنىڭ وڭىردەگى قىزمەتى تۋرالى قىلمىستىق ءىس بويىنشا ءبىرىنشى سوت وتىرىسى ءوتتى.

ءىس بويىنشا تىيىم سالىنعان ۇيىمنىڭ قىزمەتىن ۇيىمداستىردى دەگەن كۇدىك تاعىلعان 34 جاستاعى ب. باۋىرجان جانە ەلدەن شىقپاۋ تۋرالى قولحاتپەن جۇرگەن ونىڭ 8 سىبايلاسى وتۋدە.

405-باپتىڭ 1- ءبولىمى بويىنشا ايىپتالعان ەر ادام وسى جىلدىڭ 1- تامىزىندا ۇستالعان. قازىر ۋاقىتشا ۇستاۋ وقشاۋلاعىشىندا وتىر.

تىڭداۋ بارىسىندا ءمالىم بولعانداي، ءتىنتۋ بارىسىندا ودان اتقارىلعان جۇمىسى تۋرالى جازبالار، اۋديو-جانە ۆيدەوروليكتەر تاركىلەنگەن. سوت پروتسەسى اشىق رەجىمدە وتۋدە. تاعى 19 كۋاگەردى تىڭداۋ جوسپارلانعان كەلەسى سوت وتىرىسى الداعى اپتادا وتەدى. بۇگىن قارالىپ جاتقان ءىستىڭ ءمان-جايى جاريا ەتىلدى. ايىپتالۋشىدان العاشقى جاۋاپتار الىنىپ، وعان ادۆوكاتتار تاراپىنان سۇراقتار قويىلدى.