ەلباسى ءبىرقاتار لاۋازىمدى تۇلعالاردى قىزمەتىنەن بوساتتى

استانا. قازاقپارات - ەلباسى نۇرسۇلتان نازاربايەۆتىڭ جارلىعىمەن ۆلاديمير جۇماقانوۆ، قايرات قوجامجاروۆ جانە ساكەن جاسۇزاقوۆ قىزمەتىنەن بوساتىلدى.

اقوردانىڭ باسپا ءسوز قىزمەتى حابارلاۋىنشا، مەملەكەت باسشىسىنىڭ وكىمدەرىمەن باسقا جۇمىسقا اۋىسۋلارىنا بايلانىستى:

ۆلاديمير زەينوللا ۇلى جۇماقانوۆ قازاقستان رەسپۋبليكاسى پرەزيدەنتىنىڭ كەڭەسشىسى قىزمەتىنەن؛

قايرات پەرنەش ۇلى قوجامجاروۆ قازاقستان رەسپۋبليكاسىنىڭ مەملەكەتتىك قىزمەت ىستەرى مينيسترلىگىنىڭ سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ ءتوراعاسى قىزمەتىنەن؛

ساكەن ءادىلحان ۇلى جاسۇزاقوۆ قازاقستان رەسپۋبليكاسى قورعانىس ءمينيسترىنىڭ ءبىرىنشى ورىنباسارى - قازاقستان رەسپۋبليكاسى قارۋلى كۇشتەرى باس شتابىنىڭ باستىعى قىزمەتىنەن بوساتىلدى.