عالىمدار قاراتاۋدى مەكەندەگەن تايپالاردىڭ قولا مەن تەمىر بالقىتقانىن انىقتادى
عالىمدار وسىدان 3 مىڭ جىلداي بۇرىن قاراتاۋ سىلەمدەرىن مەكەندەگەن تايپالار اڭشىلىق پەن قاتار قولا مەن تەمىر بالقىتقانىن انىقتادى.
قازبا جۇمىستارى كەزىندە قابىرعاسىن ىس باسقان ۇڭگىردەن تابىلعان وشاقتىڭ ورنى كونە تەمىر بۇيىمدار - سونىڭ دالەلى. سونىمەن قاتار ول جەردەن تەمۋريدتەر مەن قاراحانيدتەر زامانىنا ءتان قۇمىرانىڭ سىنىقتارى تابىلعان. ۇڭگىردىڭ بيىكتىگى كەيبىر جەرلەردە 5 مەترگە دەيىن جەتەدى. عالىمدار ونىڭ استىندا ءالى بىرنەشە مادەني قاباتتىڭ بارىنا تولىق سەنىمدى. قازبا جۇمىستارى كەلەسى جىلى جالعاسادى.
باۋىرجان بايتانايەۆ، ءا. مارعۇلان اتىنداعى ارحەولوگيا ينستيتۋتىنىڭ باس ديرەكتورى:
- ۇڭگىردىڭ تومەنگى قاباتتارىنان ەجەلگى قازبا ادامنىڭ قالدىقتارى، سۇيەكتەرى شىعادى دەپ ويلايمىز. ويتكەنى بۇگىنگى دۇنيەجۇزىلىك ارحەولوگيانىڭ الدىندا ۇلكەن سۇراق بار ادامزاتتىڭ شىعۋ تەگى، ادامزات قالاي، قاي جەردەن شىقتى جانە جەر جۇزىنە قالاي تارادى دەگەن سۇراق بار.
www.24.kz
