يسلام كارىموۆتىڭ قىزدارى جايلى نە بىلەمىز؟
78 جاستاعى يسلام كارىموۆتى بۇكىل الەم بىلەدى. مەملەكەت باسشىسى ەكى قىزدى تاربيەلەپ، ءوسىردى. ايتا كەتەيىك، وزبەكستان پرەزيدەنتىنىڭ ەكى قىزى تەگىنىڭ ارقاسىندا عانا ەمەس، كوپتەگەن داۋلار ارقىلى دا بەلگىلى.
مەملەكەت باسشىسىنىڭ قىزى جەرگىلىكتى اقپارات قۇرالدارىمەن بىرگە ءوزىنىڭ Twitter جەلىسىندەگى پاراقشاسىن جۇرگىزىپ، بەلسەندىلىك تانىتقان. ۇلكەن قىزى گۇلنار كارىموۆا قوعام بەلسەندىسى بولىپ، زەرگەرلىك بۇيىمداردىڭ ديزاينىمەن اينالىسىپ، Gooogoosha لاقاپ اتىمەن ءان دە ايتىپ ءجۇردى. سونىمەن قاتار، ول ساياساتقا دا ءبىراز ارالاستى. 2013 -جىلعا دەيىن ساراپشىلار ونى اكەسىنىڭ مۇراگەرى بولۋى مۇمكىن ەكەنىن ايتقان. گۇلنار بىرىنشى جۇبايىمەن ا ق ش- تا ون جىلعا جۋىق ۋاقىت تۇرعان. نيۋ- يوركتە ءسان مەن ديزايندى وقىعان. گارۆارد ۋنيۆەرسيتەتىندە وقىپ، دارەجە دە العان. 2010 - 2012 -جىلدارى يسپانيادا ەلشى قىزمەتىندە بولعان. الايدا 2012 -جىلدان باستاپ ول 10 ەلدە، ونىڭ ىشىندە تۋعان جەرى وزبەكستاندا وتكىزىلگەن سىبايلاس جەمقورلىققا قارسى زەرتتەۋلەردەگى ىستە فيگۋرانتتاردىڭ ءبىرى بولدى.
سونىمەن قاتار، 2013 -جىلدىڭ كۇزىندە وزبەكستانداعى باسپا اگەنتتىگى گۇلنار كارىموۆاعا تيەسىلى بىرنەشە تەلەارنا مەن راديوستانسيانى جاۋىپ، تەرگەۋ جۇمىستارىنا بايلانىستى Terra Group مەدياحولدينگىنىڭ ەسەپشوتتارىن بۇعاتتادى. ا ق ش- تىڭ تەرگەۋ ورگاندارى گۇلنار كارىموۆانىڭ شەتەل ينۆەستورلارىنان ءبىر ميلليون دوللاردان اسا كولەمدە پارا العانىن مالىمدەگەن.
گۇلنار كارىموۆا 1992 -جىلى تەگى اۋعان ۇلتىنان شىققان امەريكالىق كاسىپكەر مانسۇر ماكسۋديگە تۇرمىسقا شىققان. سودان ول تەز ارادا جوعارى لاۋازىمدى قىزمەتكە تاشكەنتتەگى coca-Cola كومپانياسى وكىلدىگىنىڭ ديرەكتورى بولىپ تاعايىندالعان. الايدا جۇپ 2001 -جىلى اجىراسىپ كەتكەن ەكەن. جۇبايىمەن اجىراسقاننان كەيىن گۇلنار كارىموۆا ەكى بالاسىن - قىزى مەن ۇلىن الىپ كەتكەن. بۇل جاعداي حالىقارالىق دەڭگەيدەگى ۇلكەن داۋعا ۇلاسقان. سەبەبى، بۇرىنعى كۇيەۋى ماكسۋدي ودان بالالاردى قالدىرۋىن سۇراعان. دەگەنمەن ۇزاق جىلدار بويى سوتتاسا وتىرىپ، گۇلنار بالالاردى وزىمەن بىرگە الىپ قالعان.
ال يسلام كارىموۆتىڭ كەنجە قىزى لولا كارىموۆا- تيلليايەۆا ءوزىنىڭ قايىرىمدىلىق قورىمەن تانىمال. سونداي- اق، ول وزبەكستانداعى مادەنيەت جانە سپورت سالاسىنىڭ دامۋىنا قولداۋ كورسەتىپ ءجۇردى. قازىرگى ۋاقىتتا لولا كارىموۆا- تيلليايەۆا وزبەكستان رەسپۋبليكاسىنىڭ يۋنەسكو- داعى تۇراقتى وكىلى قىزمەتىن اتقارىپ ءجۇر. ايتا كەتەيىك، يسلام كارىموۆتىڭ كەنجە قىزى تيمۋر تيلليايەۆ ەسىمدى كاسىپكەرگە تۇرمىسقا شىققان.
لولا كارىموۆا وتباسىمەن بىرگە. وتباسىنىڭ جەكە مۇراعاتىنان الىنعان سۋرەت
سوڭعى كەزدەرى ينتەرنەتتە يسلام كارىموۆتىڭ كەنجە قىزىنىڭ اكەسىنىڭ ورنىنا كەلۋى مۇمكىن ەكەنى جايلى ءتۇرلى اڭگىمەلەر تاراعان بولاتىن. ءبىراق لولا ءوزىنىڭ nstagramI جەلىسىندەگى پاراقشاسىنا ەشقانداي دا ساياساتقا ارالاسقىسى كەلمەيتىنىن، تەك وتباسى مەن ءۇش بالاسىن تاربيەلەۋمەن اينالىساتىنىن جازدى.
كەيبىر اقپارات قۇرالدارى لولا كارىموۆا- تيلليايەۆانى قىمبات زاتتارعا دەگەن سۇيىسپەنشىلىگى شامادان تىس دەپ ايىپتاپ وتىر. مىسالى، 2013 -جىلى لولا كارىموۆا- تيلليايەۆا 2012 -جىلدىڭ ماۋسىمىندا ا ق ش- تىڭ بيەۆەرلي- حيللز اۋدانىنداعى 58 ميلليون دوللارعا باعالانعان Le Palais ۆيللاسىن ساتىپ العان. ول ۇيدە جەتى بولمە، 11 جۋىناتىن بولمە، كينوتەاتر، ليفت، كەڭسە بولمەسى، كىتاپحانا، جابىق باسسەين، ورتا ازيانىڭ ويۋلارىمەن اشەكەيلەنگەن بولمەلەرى دە بار ەكەن. 12 كولىككە ارنالعان كولىكجايى دا بار.
© stacygottula.com
سونىمەن قاتار، لولا مونيكا بەلۋچچيمەن كەشكى اسقا 190 مىڭ ەۋرو (290 مىڭ دوللار) تولەپتى. ونىڭ ۇستىنە ول 2009 -جىلدىڭ 8 - ساۋىرىندە پاريج مۇراجايىندا «وزبەكستان 2020» قورىنىڭ اشىلۋ سالتاناتىنا وراي قوناقتاردى قايىرىمدىلىق كەشىنە شاقىرعان. وندا يسلام كارىموۆتىڭ كەنجە قىزى يزابەل ءادجانيدى شاقىرۋدى جوسپارلاعان ەكەن، ءبىراق ول بۇل شاقىرتۋدان باس تارتىپتى. ال 190 مىڭ ەۋرو تولەنگەن بەلۋچچي كەشكى اس كەزىندە كىشكەنە عانا ءسوز سويلەگەن.
سونداي- اق، كارىموۆتەر وتباسى الەمدەگى قىمبات تۇرعىن ۇيلەردى ساتىپ الۋعا بىرنەشە كەلىسسوز جۇرگىزگەن. 2010 -جىلى لولا كارىموۆا- تيلليايەۆا شۆەيسارياداعى قۇنى 43 ميلليون تۇراتىن ءۇيدى ساتىپ العان. ال 2009 -جىلى پرەزيدەنتتىڭ ۇلكەن قىزى گۇلنار كارىموۆا شۆەيساريادان 18 ميلليون دوللار تۇراتىن ءۇي ساتىپ العان ەكەن.
ايتا كەتەيىك، گۇلنار مەن لولا ءبىر- بىرىمەن ون جىلدان اسا ۋاقىت ارالاسپايدى ەكەن. «ءبىز مۇلدە بولەك ادامدارمىز. جاقسى قارىم- قاتىناستا بولۋ ءۇشىن ادامداردىڭ قىزىعۋشىلىقتارىندا نەمەسە ادەتتەرىندە ءبىر ۇقساستىق بولۋ كەرەك قوي. نەمەسە ورتاق ءبىر كوزقاراس. ءبىزدىڭ جاعدايدا ونداي ۇقساستىقتار بولعان ەمەس جانە قازىر دە جوق»، - دەدى لولا كارىموۆا باسىلىمداردىڭ بىرىنە بەرگەن سۇحباتىندا.
ماقالاداعى مالىمەتتەر اشىق دەرەككوزدەردەن الىندى.
Kaz.tengrinews.kz
