نۇرسۇلتان نازاربايەۆ: اتومدى اسكەري ماقساتتا پايدالانۋ ادامزات تاريحىنداعى ەڭ قاۋىپتى قاتەلىك بولدى
بۇل تۋرالى بۇگىن «يادرولىق قارۋسىز الەم قۇرۋ» اتتى حالىقارالىق كونفەرەنتسيادا ق ر پرەزيدەنتى نۇرسۇلتان نازاربايەۆ ايتتى.
«اتوم ەنەرگياسىنىڭ اشىلۋى ХХІ عاسىرداعى عىلىمنىڭ ۇزدىك جەتىستىگى بولدى. ءبىراق، ونىڭ اسكەري ماقساتتارعا پايدالانىلۋى ادامزات تاريحىنداعى ەڭ ۇلى ءارى قاۋىپتى قاتەلىك ەدى. يادرولىق داۋىردىڭ ەلەڭ-الاڭىندا عالىمدار، ءتىپتى ونى، جالپى يادرولىق ەنەرگيانى جاساۋعا قاتىسۋشىلار دا، اسكەري ستراتەگتەر مەن ساياساتكەرلەر سوعىستا اتوم قارۋىن پايدالانۋ ارقىلى جەڭىسكە جەتۋ ەلەس ەكەندىگىن دالەلدەپ بەردى»، - دەدى ق ر پرەزيدەنتى.
وسى رەتتە مەملەكەت باسشىسى يادرولىق قارۋدى تەك ءبىر مەملەكەت قانا يە بولسا، وندا ول سونىڭ ارقاسىندا ءوز قاۋىپسىزدىگىن قورعايتىندىعىن ايتا الاتىندىعىن اتاپ ءوتتى.
«ال كوپتەگەن ەلدەردەن ءدال سونداي قارىمدا جاۋاپ بولاتىن بولسا، وندا بۇل شىن مانىندە اقىلسىزدىق. مۇنداي سوعىستا بارلىعى دا جەڭىلەدى. جەڭىلىستىڭ قۇنى الەمنىڭ جويىلۋىنا اكەلەدى»، - دەدى ەلباسى.
اۆتور: مارلان جيەمباي
