عالىمدار: وقۋشىلار ساباق اراسىندا ۇيىقتاپ الۋى كەرەك

استانا. قازاقپارات - فرانسۋز عالىمدارى ساباق اراسىندا ۇيىقتاپ الۋ وقۋشىلاردىڭ جاعدايىنا وڭ اسەر ەتىپ، ەستە ساقتاۋ قابىلەتىن ارتتىراتىندىعىن ايتتى.

بۇل تۋرالى today.kz حابارلايدى.

«ءبىزدىڭ زەرتتەۋىمىز بويىنشا قوڭىراۋ كەزىندە ۇيىقتاپ الۋ، ەكى ەسە ارتىقشىلىق بەرەتىنىن ايقىندادى: وتكەن ساباقتى ويدا جاقسى ساقتاپ، ەستە ساقتاۋ قابىلەتىن ارتتىرادى»، - دەيدى ليون ۋنيۆەرسيتەتىنىڭ پسيحولوگى ستەفاني ماتستسا.

زەرتتەۋ بارىسىندا 40 ەرەسەك فرانتسۋز ەكى توپقا بولىنگەن. ەكى توپقا دا فرانسۋز تىلىندەگى 16 ءسوز ۇسىنىلىپ، ونىڭ ءارقايسىن سۋاحيلي تىلىنە اۋدارۋ كەرەك دەگەن تالاپ قويىلادى. ەگەر قاتىسۋشى قاتە جىبەرسە، وندا ءسوز تىزبەگى قايتادان بەرىلگەن. ازىرگە سىناققا قاتىسۋشىلاردىڭ ەشقايسىسى ءسوزدى دۇرىس اۋدارماعان.

12 ساعاتتان سوڭ قاتىسۋشىلار بۇل سوزدەردى قايتادان اۋدارعان. بۇل رەتتە ءبىر توپ تاپسىرمانى تاڭەرتەڭ جانە كەشكە ورىندايدى. ال ەكىنشى توپ كەشكىسىن باستاپ، ۇيقىدان سوڭ تاڭەرتەڭ جالعاستىرعان.

ءبىرىنشى ساباقتا قاتىسۋشىلار ەستە ساقتاۋ تۇرعىسىنان تەڭ بولعان. ايىرماشىلىق ەكىنشى رەتتە پايدا بولادى: ءبىرىنشى توپتاعىلار ورتا ەسەپپەن 7,5 ءسوزدى ەستە ساقتاپ، 16 ءسوزدىڭ اۋدارماسىن كورسەتۋ ءۇشىن ءارقايسىسى التى مۇمكىندىكتەن پايدالانادى. وسى ۋاقىتتا ەكىنشى توپ وكىلدەرى 10 ءسوزدىڭ دۇرىس اۋدارماسىن كورسەتىپ، ال دۇرىس جاۋاپ تابۋعا ءۇش مۇمكىندىكتە قول جەتكىزە العان.

عالىمدار ادام ۇيىقتاعاننان كەيىن، بەلسەندىلىككە قول جەتكىزەدى ءارى ەستە ساقتاۋ تۇرعىسىنان العا وزادى دەپ تۇجىرىمدايدى.

 

 Stan.kz