استانا اكىمى پوليتسيا قىزمەتىنە جاعالاۋدا جۇرگەن بالالاردىڭ ۇستاۋ وقيعاسىنا قاتىستى ەسكەرتۋ جاسادى

وتىرىس بارىسىندا جەرگىلىكتى پوليتسيا قىزمەتىنە ەسىل وزەنىنىڭ جاعاسىندا ساعات 23.00 دەن كەيىن اتا- انالارىنىڭ قاراۋىنسىز جۇرگەن بالالاردىڭ ۇستالۋىنا قاتىستى ەسكەرتۋ جاسالدى، دەپ حابارلايدى قالالىق اكىمدىكتىڭ باسپا ءسوز قىزمەتى.
ەسكە سالا كەتەيىك، جاسوسپىرىمدەردىڭ اتا-انالارى الەۋمەتتىك جەلىلەردە بۇل جاعدايعا بايلانىستى نارازى پىكىرلەرىن بىلدىرگەن بولاتىن.
ەلوردا اكىمى بۇل جاعدايدىڭ ءمان- جايىن انىقتاۋدى تاپسىردى.
«بۇل جاعدايدا كاسىپقويلىق - ورىنداۋشىلىق قانا ەمەس، بۇل سىپايىلىق تا، بايلانىس ورناتا ءبىلۋ قابىلەتى دە. اسىرەسە، بالالارعا قاتىستى بولعاندا» - دەدى اكىم. قالا باسشىسى كامەلەتكە تولماعانداردىڭ قاتىسۋىمەن ورىن الاتىن قىلمىستار سانىنىڭ ارتۋىن ەسكەرە كەلە، قۇقىق قورعاۋ ورگاندارى تاراپىنان جۇرگىزىلەتىن جۇمىستاردىڭ ماڭىزدىلىعىن اتاپ ءوتتى. جەرگىلىكتى پوليتسيا قىزمەتىنىڭ مالىمەتىنشە، جىل باسىنان بەرى بالالار 104 قىلمىس جاساعان. كامەلەتكە تولماعان 129 بالا قىلمىستىق جاۋاپكەرشىلىككە تارتىلدى. بالالاردىڭ وزدەرىنە قاتىستى 97 قىلمىس جاسالعان. نەگىزىنەن، توناۋ، بوپسالاۋ، ۇرلىق، بۇزاقىلىق، قاراقشىلىق، ەسىرتكى زاتتارىن تاراتۋ جانە قولدانۋ جاعدايلارى كەزدەسەدى.
اتالعان كەزەڭدە استانا قالاسىنىڭ ءبىلىم باسقارماسى كامەلەتكە تولماعانداردى بەيىمدەۋ ورتالىعىنا 467 ادام جىبەرىلگەن. سونىڭ ىشىندە، 429 ى قاراۋسىز جانە قورعانسىز قالعان بالا؛ 36 سى اتا- اناسىنىڭ نەمەسە ولاردى الماستىراتىن تۇلعالاردىڭ قامقورلىعىنسىز قالعان بالا. قازىرگى كەزدە كامەلەتتىك جاسقا تولماعان بالالاردىڭ اتا- انالارىن ىزدەۋ جۇمىستارى قولعا الىندى.
«ءيا، بالالارمەن دە پروفيلاكتيكالىق جۇمىستار جۇرگىزۋ كەرەك. ونى اكسيالار وتكىزۋ، ۋچاسكەلىك پوليتسەيلەردىڭ ۇيلەردىڭ تۇرعىندارىمەن كەزدەسۋلەرى، مەكتەپتەردەگى كەزدەسۋلەر، ب ا ق جانە ارنايى روليكتەر ارقىلى ءتۇسىندىرۋ كەرەك. بۇل سىزدەردىڭ جۇمىستارىڭىزدىڭ ءبىر بولىگى عانا ەكەنىن بىلەمىن، باسقا باعىتتار بويىنشا دا كوپ ءىس اتقارىلىپ جاتىر. وسىنىڭ بارلىعىن قوعامعا ءتۇسىندىرىپ، جەتكىزۋ كەرەك» - دەدى ءا. يسەكەشەۆ.
استانا اكىمى قۇقىق قورعاۋ ورگاندارىنىڭ نازارىن قالا تۇرعىندارىن الاڭداتىپ وتىرعان كەيبىر ماسەلەلەرگە اۋداردى. اتاپ ايتقاندا، ۇساق بۇزاقىلىققا «نولدىك توزىمدىلىك»، تۇرعىن ۇيلەردىڭ اۋماقتارىندا كولىك قويۋ ەرەجەلەرىن بۇزۋ، سونداي- اق، ج ك و الدىن الۋ ماسەلەلەرى قارالدى.
جىل باسىنان بەرى استانا جولدارىندا 385 ج ك و، سونىڭ ىشىندە، 58 ى بالالاردىڭ قاتىسۋىمەن ورىن العان. جول قوزعالىسى ەرەجەلەرىن بۇزعانى ءۇشىن 147455 ادام، سونىڭ ىشىندە 14171 جاياۋ جۇرگىنشى اكىمشىلىك جاۋاپكەرشىلىككە تارتىلدى.
كەڭەس سوڭىندا اسەت يسەكەشيەۆ قۇقىق قورعاۋ ورگاندارىنىڭ قاۋىپسىز جانە تازا قالانى قالىپتاستىرۋدا ماڭىزدى ءرول اتقاراتىنىن اتاپ ءوتتى. ەلوردا باسشىسى پوليتسەيلەرگە ءتارتىپ ساقشىلارىنا بارلىق باعىتتار، سونىڭ ىشىندە قۇقىق بۇزۋشىلىقتاردىڭ الدىن الۋ بويىنشا جۇمىستاردى كۇشەيتۋدى جانە قالا تۇرعىندارىنا جاعداي جاساۋ ءۇشىن قاجەتتى شارالاردى قابىلداۋدى تاپسىردى.