قازاقستاندىق وليمپياداشىلار مەرزىمىنەن بۇرىن اسكەري شەندەر الدى

اتاپ ايتقاندا، ق ر ۇلتتىق ۇلاننىڭ سپورتتىق كومانداسىنىڭ اعا نۇسقاۋشىلارى دانيار ەلەۋسىنوۆ، ەلدوس سمەتوۆ، ۆاسيلي ليەۆيتكە «لەيتەنانت» اتاعى، باتىس قازاقستان وبلىسىنىڭ ءى ءى د جەدەل دەن قويۋ ارنايى جاساعىنىڭ ينسپەكتورى ەكاتەرينا لاريونوۆاعا «پوليتسيا لەيتەنانتى» ارنايى اتاعى، ق ر ۇ ۇ سپورت كومانداسىنىڭ جاتتىقتىرۋشىسى ادىلبەك نيازىمبەتوۆ پەن يۆان دىچكوعا «كاپيتان» اسكەري اتاعى مەرزىمىنەن بۇرىن بەرىلدى.
ق ر ءى ءى م- ءنىڭ قۇرمەت گراموتاسىمەن ارلي چونتەي، مارگاريتا ەليسەيەۆا، ەكاتەرينا رۋدەنكو جانە ق ر ۇلتتىق ۇلانىنىڭ اسكەري قىزمەتشىسى تيمۋر حايداروۆ ماراپاتتالدى.
«جەلتوقسان ايىنا دەيىن تىنىعىپ الۋدى جوسپارلاپ وتىرمىن. جالپى، ءبىز مەرزىمىنەن بۇرىن بەرىلگەن اسكەري شەنگە قۋانىشتىمىز. قولداۋ كورسەتىپ، بىزگە جانكۇيەر بولعان بارشا قازاقستاندىقتارعا ريزاشىلىعىمىزدى بىلدىرەمىز»، - دەيدى وليمپيادا ويىندارىنىڭ 2 دۇركىن كۇمىس جۇلدەگەرى ادىلبەك نيازىمبەتوۆ.
ايتا كەتەيىك، قازاقستان رەسپۋبليكاسىنىڭ تاۋەلسىزدىگى جىلدارى «دينامو» دەنە-شىنىقتىرۋ-سپورت قوعامىنىڭ سپورتشىلارى 62 وليمپيادا مەدالىن جەڭىپ الدى. ونىڭ ىشىندە: 16 التىن، 19 كۇمىس جانە 27 قولا مەدال. 2016-جىلعى جازعى وليمپيادادا قازاقستان جەڭىپ العان 17 وليمپيادا ناگراداسىنىڭ 16 مەدالىنە وسى سپورتشى- ديناموشىلاردىڭ ەڭبەگىمەن قول جەتكىزىلدى: 3 التىن، 5 كۇمىس جانە 8 قولا مەدال ديناموشىلاردىڭ جەڭىسى.
اۆتور: مارلان جيەمباي