اقتاۋدا دارىگەرلەر پەدوفيلدەن زورلىق كورگەن قىزدى استاناعا اكەلەتىن بولىپ شەشتى

استانا دارىگەرلەرى قىز بالانى قاراپ، ونى استاناعا جەتكىزۋ تۋرالى شەشىم قابىلدادى. ولاردىڭ ايتۋىنشا، قىزدىڭ جاعدايى بۇرىنعىشا اۋىر، الايدا تومەندەۋ ديناميكاسى بايقالمايدى، دەپ حابارلايدى tumba.kz.
«ءبىز بالانىڭ سىرقاتناماسىمەن تانىستىق. بالاعا دياگنوز قويىلدى. ونىڭ ومىرىنە ءتونىپ تۇرعان قاۋىپ ساقتالۋدا. ول ەسىن ءالى جيعان جوق. وعان ارى قاراي انا مەن بالا ورتالىعىنداعى جاعدايمەن ياعني مامانداندىرىلعان كومەك الا وتىرىپ ەمدەلۋ قاجەت»، دەيدى انا مەن بالا ورتالىعىنىڭ بالالار اناستەزيولوگ-رەانيماتولوگى بولات جۇمانيازوۆ.
بالا اۋە جولىمەن جەتكىزىلەدى.
«ءبىز دارىگەرلىك كونسيليۋم وتكىزدىك. دوكتورلار ەمدەۋ جۇرگىزۋدە وسىنداي تاكتيكالىق ارەكەتتەردى دۇرىس دەپ تاپتى. ماماندار ونى تاسىمالداۋ جاۋاپكەرشىلىگىن ءوز مويىندارىنا الدى»، - دەپ اتاپ ءوتتى وبلىستىق بالالار اۋرۋحاناسىنىڭ باس دارىگەرى كامشات تۇرسىنبەكوۆا.
ورتالىقتىڭ دارىگەرلەرى جانساقتاۋ بولىمىندە جاتقان باسقا دا بالالاردى قاراپ شىعىپ، ولاردى ەمدەۋگە قاتىستى ۇسىنىمدارىن بەردى.
ەسكە سالا كەتسەك، وقيعا 20- تامىزدا اقتاۋ قالاسىندا بولدى. 6 جاسار قىز اجەسىمەن دۇكەنگە بىرگە بارعاندا ونى بەلگىسىز بىرەۋ ۇرلاپ كەتكەن. ەكى ساعات بويى وزدەرى ىزدەپ تابا الماعاسىن ولار پوليتسياعا شاعىمدانعان.
قىز بالا كەشكە قاراي ەس ءتۇسسىز كۇيدە «نۇر پلازا» جاعاجايىنا قارسى بەتتە تابىلعان. ول جەرەۋ اۋرۋحانانىڭ جانساقتاۋ بولىمىنە جەتكىزىلگەن.
وسى وقيعا بويىنشا ق ر ق ك- ءنىڭ 120- بابى بويىنشا سوتقا دەيىنگى تەرگەۋ باستالدى.
بۇعان دەيىن ماڭعىستاۋ وبلىسىنىڭ اكىمدىگى التى جاسار قىزدى زورلاعان قىلمىسكەر تۋرالى اقپارات بەرگەن ادامعا 3 ميلليون تەڭگە سىياقى تاعايىنداعانى حابارلانعان ەدى.