09:36, 27 - تامىز 2016 | GMT +5
ت م د ءسامميتى قارساڭىندا بىشكەكتەگى شىرشالار جاسىل «سىرمەن» بويالدى
استانا. قازاقپارات - 16- قىركۇيەكتە بىشكەك قالاسىندا ت م د پرەزيدەنتتەرىنىڭ ءسامميتى باستالادى، سودان كەيىن تۇركى تىلدەس ەلدەردىڭ ىنتىماقتاستىق كەڭەسى وتەدى.
جەرگىلىكتى بيلىك ءىس-شارالارعا دايىندالىپ جاتىر، ولار بىشكەكتى ادەمى جاعىنان كورسەتپەكشى. الايدا ولاردىڭ ارەكەتى تۇرعىنداردى تاڭداندىردى، دەپ حابارلايدى currenttime.tv.
سامميتكە قاتىسۋشىلار بارۋى مۇمكىن اتا بەيىت مەموريالدىق كەشەنىنىڭ اينالاسىنداعى شىرشالار ءبىر تۇندە جاسىل تۇسكە بويالىپ شىعا كەلگەن. ءبىر قىزىعى اعاشتاردىڭ جولعا قاراعان بەتى عانا جاپ-جاسىل بولسا، قارسى بەتى سۇرعىل-قوڭىر كۇيىندە قالىپ قويعان.
جەرگىلىكتى جۇمىسشىلاردىڭ ايتۋىنشا، اعاشتاردى سپرەيى بار ادام بوياپ شىققان، ول سپرەي بوياۋدى وسىمدىككە ارنالعان دارۋمەن مەن تىڭايتقىش دەپ سەندىرگەن.
