19:44, 26 - تامىز 2016 | GMT +5
ريو وليمپياداسىنىڭ جۇلدەگەرى وبىرعا شالدىققان بالانى قۇتقارۋ ءۇشىن مەدالىن ساتتى
استانا. قازاقپارات - پولشالىق ديسكوبول، ريوداعى وليمپيادانىڭ جۇلدەگەرى پەتر مالاحوۆسكي ءباسساۋدادا ءوزىنىڭ كۇمىس مەدالىن ساتتى، ول قاراجاتتى اۋرۋ بالانى ەمدەۋگە جۇمساماق.

مەدالدى ساتىپ الۋشى تابىلدى، دەپ حابارلادى سپورتشى "فەيسبۋكتەگى" پاراقشاسىندا. «ساتتىلىك»، - دەپ جازدى ول.
دەگەنمەن ناقتى سومانى اتامادى، الايدا ب ا ق مەدال 126 مىڭ دوللارعا ساتىلعانىن حابارلادى.
مالاحوۆسكي ناگراداسىن ساتاتىنى جايلى بىرنەشە كۇن بۇرىن حابارلاعان. ول ولەك اتتى بالانىڭ اناسىنان ونىڭ ۇلى قاتەرلى ىسىكپەن اۋىراتىنى جايلى حات العانىن جازدى.
«ريودا التىنعا تالاستىم. بۇگىن بارلىعىڭدى ودان دا قىمبات قۇندىلىققا اتسالىسۋعا شاقىرامىن»، دەپ جازدى ول.
پەتر مالاحوۆسكي - 2015 -جىلعى الەم چەمپيونى. وليمپيادالىق ويىنداردىڭ ەكى دۇركىن كۇمىس جۇلدەگەرى، ءبىرىنشى وليمپيادالىق كۇمىسىن بەيجىڭدە ۇتقان.