ەلباسى وليمپياداداعى ولگا رىپاكوۆانىڭ «قولا» مەدالى «التىنعا» تاتيتىنىن ايتتى

استانا. قازاقپارات - ەلباسى نۇرسۇلتان نازاربايەۆ ريو وليمپياداسىندا ولگا رىپاكوۆانىڭ «قولا» مەدالىن «التىن» جۇلدە دەپ باعالادى.
None
None

«جەڭىل اتلەتيكادا ولگا رىپاكوۆا جوعارى بيىكتەردەن كورىنگەن جەتىستىكتەرىن ساقتاپ قالعانىن بولەك اتاپ وتكىم كەلەدى. وليمپيادادا ءۇشىنشى ناتيجە كورسەتكەن ولگانىڭ «قولا» مەدالى دە «التىنعا» تاتيدى. نەلىكتەن؟ سەبەبى لوندون جانە ريو وليمپيادالارى اراسىندا ول ومىرگە ۇل اكەلىپ ۇلگەردى، بۇگىندە بالا ۇشكە تولدى. ونىڭ ەكى بالاسى بار جانە ول سپورتتىق فورماسىن جانە سپورتتىق جىگەرىن ساقتاپ قالۋعا قاۋقارلى بولدى. ناعىز ەرلىك! بىرىنشىدەن ول - انا! ەكىنشىدەن، باتىر ايەل!» - دەدى پرەزيدەنت بۇگىن استانادا جازعى ХХХІ وليمپيادا ويىندارىنىڭ جەڭىمپازدارى مەن جۇلدەگەرلەرىنە قۇرمەت كورسەتۋ سالتاناتتى شاراسىندا.

سونىمەن قاتار ەلباسى وليمپيادالىق جەڭىسكە ۇلەس قوسقان ءاربىر سپورتشىعا، باپكەرلەر قۇرامىنا، سپورتشىلاردىڭ تۋىستارىنا تانىتقان ەرىك- جىگەرلەرى ءۇشىن العىسىن ايتتى.

وسى رەتتە ن. نازاربايەۆ شاراعا قاتىسۋشىلارعا سپورتتىق جەتىستىكتەردى ەسەلەي ءتۇسۋ تىلەگىن جەتكىزدى. «وليمپيادا چەمپيونى ۇنەمى جاتتىعۋى كەرەك، سەبەبى كەلەسى وليمپياداعا دەيىن ەشكىم دە ءبىر ورىندا تۇرمايدى، ياعني بارشاسى دايىندىقتارىن جالعاستىرادى»، - دەدى پرەزيدەنت.

  

اۆتور: رۋسلان عابباسوۆ

سوڭعى جاڭالىقتار