ۆاسيلي لەۆيت: تيشەنكومەن ەسە قايتاراتىن جەكپە-جەككە دايىنمىن - فوتو

استانا. قازاقپارات - ريو وليمپياداسىنىڭ كۇمىس جۇلدەگەرى، قازاقستاندىق بوكسشى ۆاسيلي لەۆيت وليمپيادا چەمپيونى رەسەيلىك ەۆگەني تيشەنكودان ەسە قايتاراتىن جەكپە- جەككە دايىن ەكەندىگىن مالىمدەدى.
None
None

 ايتسە دە، لەۆيت ءوزى دە تيشەنكو دا ءالى كاسىپقوي بوكسقا وتپەگەنىن ەسكە سالىپ، ونداي كەزدەسۋدىڭ وتەتىنى تۋرالى جاريالاۋعا ەرتەرەك دەپ سانايدى. ايتا كەتەيىك، بۇگىن وليمپيادا جۇلدەگەرلەرى ق ر مادەنيەت جانە سپورت ءمينيسترى ارىستانبەك مۇحامەدي ۇلىمەن جانە ق ر ۇلتتىق توليمپيادا كوميتەتىنىڭ ءتوراعاسى تيمۋر ق ۇلىبايەۆپەن كەزدەسكەن بولاتىن.

- كاسىپقوي بوكسقا ءوتۋ ويىڭىزدا بار ما؟

- جاقىن كۇندەرگە قاتىستى جوسپارلارىما كەلسەك، بارلىق شارۋالاردى تىندىرىپ، ءبىراز دەمالعىم كەلەدى، سوسىن ءبارىمىز بىرلەسىپ، ارى قاراي نە ىستەۋ كەرەكتىگىن ويلاناتىن بولامىز. ويتكەنى، بۇعان قاتىستى قادام جاساۋ قاراپايىم شارۋا ەمەس، ءتىپتى ونداي بولىپ جاتسا، بۇنى مەنىڭ كەلەشەك مانسابىما قاتىستى تاعدىرشەشتى ماسەلە دەپ ايتۋعا بولادى. وڭاي دەپ ايتا المايمىن. سوندىقتان دا، ويلانامىز، بالكىم اۋەسقوي بوكستا قالۋ كەرەك پە، مۇمكىن كاسىپقويعا وتكەن دە دۇرىس شىعار. دەگەنمەن، ەڭ باستىسى مەن وسى جەتكەن جەتىستىگىممەن توقتاپ قالمايمىن.

- سىزدەن تيشەنكومەن اقتىق ايقاستان كەيىن «كۇمىس» العاندا قانداي سەزىمدە بولدىڭىز دەپ كوپ سۇراعان شىعار؟

- ارينە، جەڭىلىستىڭ اشى ءدامىن تاتۋدان ەشكىم جاقسى اسەر المايدى. مەن جەڭىلىپ تۇرىپ، سوعان شاتتانعان ادامدى كورگەن ەمەسپىن. دەگەنمەن، بۇنى وسىلاي قابىلداۋ كەرەك، تاعدىردىڭ جازعانى سولاي بولسا، بۇعان مويىماسقا امال جوق.

- ايتسە دە، جانكۇيەرلەر ءۇشىن ءسىز ناعىز چەمپيونسىز، سىياقىنى دا التىن مەدالمەن تەڭدەي الىپ وتىرسىز؟

- البەتتە! وسىنداي قولداۋى ءۇشىن تيمۋر قۇلىبايەۆ باسقاراتىن ءبىزدىڭ فەدەراتسياعا دا، بۇكىل ەلىمە دە العىسىم شەكسىز. ماعان كوپتەگەن جاعىمدى حابارلامالار كەلدى، قولداۋلار، قۇتتىقتاۋلار تولاسسىز بولدى. مەنى قولداعان بارشا ادامدارعا زور العىس ايتامىن.

- توكيوعا باراسىز با؟

- مەن الداعى ءتورت جىلدا تۇرماق، كەلەسى ايدا نە بولاتىنىن بىلمەيمىن. بۇعان دەيىن دە ايتقان بولاتىنمىن، ماعان ەڭ ءبىرىنشى كەزەكتە باسقا شارۋالاردى، وتباسى ماسەلەلەرىن رەتتەۋ كەرەك. سوسىن تىنىعامىن، ال سودان كەيىن بارىپ، ودان ارى قاراي قاي باعىتتا جۇمىس جاساۋ كەرەكتىگىنە قاتىستى شەشىم قابىلدايمىن.

- دەگەنمەن، الداعى اپتاعا قاتىستى جوسپارىڭىزبەن بولىسە الاسىز با؟

- كەلەسى اپتادا بەيسەنبى بولادى (كۇلدى).

- جاڭا پاتەرىڭىزدە بولدىڭىز با؟

- بۇل دا وڭاي ماسەلە ەمەس قوي... قىسقاسى، بولعان جوقپىن.

- وليمپياداعا دەيىن ساقالدى ەدىڭىز، قايتا وسىرەسىز بە؟

- بۇگىننىڭ وزىندە ونداي پروتسەسس بار. سوسىن بۇل دا تەز بولا قوياتىن پروتسەسس ەمەس (كۇلدى).

- بۇرىنعىداي قالادى ما؟

- ساقالىم با؟ (كۇلدى) ءيا!

- دەگەنمەن، ايتىڭىزشى رەۆانشتىق جەكپە- جەككە دايىنسىز با؟

- رەۆانش دەيسىز بە... ارينە، ماعان بۇل قىزىق، ونىڭ ۇستىنە جەڭگىم دە كەلەدى. جالپى ءبىز جەكپە- جەك ونەرىندە ءارقايسىمىز وزىندە ءبىر ليدەرمىز جانە ىلعي دا جەڭىسكە ۇمتىلامىز. ەگەر جەڭىلسەڭ، وندا جەڭىلىستى كوتەرۋىڭ كەرەك. دەگەنمەن، قايتالاپ ايتايىن، ءبارىن دە، كىم جەڭەتىنىن، كىم جەڭىلەتىنىن ۋاقىت كورسەتەدى. ال ەگەر ونداي مۇمكىندىك تۋىپ تۇرسا، وندا نەگە پايدالانباسقا. مەن قولعاپ تۇيىستىرۋگە قاشاندا دايىنمىن. مەن ءۇشىن بۇل پروبلەما ەمەس، كەرىسىنشە رينگكە شىعۋ ماعان قۋانىش سىيلايدى.

- ەگەر جەكپە- جەك بولىپ جاتسا، ودان نە كۇتۋگە بولادى؟

- شارشى الاڭعى شىققاندا قاشاندا جەڭىسكە جەتكىڭ كەلەدى. ال ونىڭ قالاي اياقتالاتىنى تۋرالى مەن ايتا المايمىن. ءبارىن ۋاقىت كورسەتەدى.

- كاسىپقوي بوكسقا وتەر بولساڭىز جاسىڭىز كەدەرگى بولماي ما؟

- حوپكينستى بىلەسىز بە؟ جاسى 50 دە ءالى دە بوكستاسادى.

- دەگەنمەن، ءسىز حوپكينس ەمەسسىز عوي...

- سوعان ۇمتىلۋ كەرەك. بولماساڭ دا ۇقساپ باق.

- ەگەر ءسىز تيشەنكونىڭ ورنىندا بولساڭىز نە ىستەر ەدىڭىز؟ قارسىلاسىڭىزعا التىندى بەرەر مە ەدىڭىز؟ جانكۇيەرلەر وسىنداي پىكىر ايتىپ قالدى عوي.

- قانشا ادام بولسا، پىكىر دە سونشالىقتى. اركىمنىڭ ءوز پايىمى بار. ادامي تۇرعىدان كەلسەك، مەن دە ونى تۇسىنەمىن، قاي سپورتشى ءوزىنىڭ مەدالىن بەرە سالۋشى ەدى؟ بۇل وڭاي جەتىستىك ەمەس. وندا بارعاننىڭ ءبارى دە جەڭسەم دەپ ويلادى، اركىم ءوزىنىڭ جەتكەن جەتىستىگىنە شاتتاندى. سوندىقتان دا، نەگە ول بەرە سالۋى كەرەك. ءتىپتى بەرگەن كۇننىڭ وزىندە مەن ونى قابىلداماس ەدىم. ماعان ەكىنشى مەدال كەرەك ەمەس.

ەستەرىڭىزگە سالا كەتەيىك، 91 كەلى سالماق دارەجەسى بويىنشا بوكستان وليمپيادالىق ءتۋرينيردىڭ اقتىق ايقاسىندا تورەشىلەر جەڭىستى رەسەيلىك ەۆەگنيي تيشەنكوعا بەرگەن بولاتىن. تورەشىلەردىڭ بۇل شەشىمىنە تەك قازاقستاندىق جانكۇيەرلەر عانا ەمەس، الەمنىڭ بوكس سۇيەر جانكۇيەرلەرىنىڭ باسىم بولىگى، سونىڭ ىشىندە رەسەيدىڭ ءبىراز جانكۇيرلەرى نارازىلىق تانىتقان بولاتىن. شەتەلدىك ءبىرقاتار باسىلىم دا وسى اقتىق ايقاستا ۆاسيلي لەۆيتتىڭ ۇستەم بولعانىن جازدى. وسىلايشا، لەۆيتتىڭ كۇمىسى التىنمەن پاراپار بولدى. بۇعان دالەل قازاقستان بوكس فەدەراتسياسى وليمپيادا «كۇمىسىنە» بەرىلەتىن مەملەكەتتىك سىياقى 100 مىڭ دوللاردىڭ ءۇستىنا 150 مىڭ دوللار قوسىم، بۇل سومانى وليمپيادالىق «التىنمەن» تەڭەستىردى.

null 
null 

اۆتور: قانات مامەتقازى ۇلى

سوڭعى جاڭالىقتار