قىتاي ساراپشىسى: قازاقستان - يادرولىق قارۋسىزدانۋ قوزعالىسىنىڭ بەدەلدى كوشباسشىسى
ەسكە سالا كەتەيىك، پروفەسسور سونىمەن قاتار، «باتىسقا اپاراتىن جىبەك جولىنداعى ءبىرىنشى مەملەكەت: قازاقستان تۋرالى جازبالار» كىتابىنىڭ اۆتورى.
«بيىل سەمەي يادرولىق سىناق الاڭىنىڭ جابىلعانىنا 25 جىل تولىپ وتىر. بۇنى تەك قازاقستان تاريحىنداعى عانا ەمەس، كۇللى الەمدەگى انتيادرولىق قوزعالىستىڭ نەگىزگى كەزەڭى دەپ ايتۋعا بولادى. ك س ر و كۇيرەپ، ىدىراعاننان كەيىن قازاقستان الەمدەگى ەڭ ءىرى يادرولىق قارۋ ارسەنالدارىنان ءوز ەركىمەن باس تارتتى. وسىلايشا، بارشا قازاقستان حالقى، سونىڭ ىشىندە ءبىرىنشى كەزەكتە ءوزىنىڭ ساياسي ەرىك- جىگەرى ارقىلى مەملەكەت باسشىسى نۇرسۇلتان نازاربايەۆ بەيبىت ۇستانىم مەن ادامزاتتىق دەڭگەيدەگى دانا شەشىمدى كورسەتتى» ، - دەدى ول.
پروفەسسوردىڭ سوزىنە قاراعاندا، قازاقستاننىڭ يادرولىق قارۋدان ءوز ەركىمەن باس تارتۋى جاڭا داۋىرگە - يادرولىق قارۋسىز الەم قوزعالىسىنىڭ جاڭا داۋىرىنە جول اشتى.
«بۇگىنگى قازاقستان الەمدىك انتيادرولىق قوزعالىستىڭ بەدەلدى كوشباسشىسى بولىپ تابىلادى. سونىمەن قاتار، قازاقستان يادرولىق قارۋسىزدانۋ سالاسىنداعى باستامالاردى ىلگەرىلەتە وتىرىپ، وسى باعىتتا جۇيەلى ساياسات جۇرگىزىپ كەلەدى. بۇل قازاقستان بيلىگىنىڭ، سونىمەن قاتار، ەڭ ءبىرىنشى كەزەكتە پرەزيدەنت نۇرسۇلتان نازاربايەۆتىڭ جاھاندىق قاۋىپسىزدىك جۇيەسىنە ءتيىمدى اسەر بەرەتىن كۇش- جىگەرى. بۇنداي قادام الەمدىك قاۋىمداستىق تاراپىنان، سونىڭ ىشىندە قىتاي تاراپىنان ۇلكەن قولداۋعا يە» ، - دەپ اتاپ ءوتتى ۋ چۋكە.
قازاقستاننىڭ يادرولىق قارۋدى تاراتپاۋ سالاسىنداعى جەتەكشى رولىنە مىسال رەتىندە قىتايلىق ساراپشى ءبىرقاتار باستامالاردى دا العا تارتتى. سونىڭ ىشىندە ساراپشى ب ۇ ۇ باس اسسامبلەياسى 2015 -جىلى 7 - جەلتوقساندا نيۋ- يورك قالاسىندا قازاقستان پرەزيدەنتى باستاماشىلىق جاساعان يادرولىق قارۋدان ازات الەمدى قۇرۋ تۋرالى جالپىعا ورتاق دەكلاراتسيا قابىلداعانىن اتاپ ءوتتى. بۇدان بولەك، 2016 -جىلدىڭ 5 - ساۋىرىندە ن. نازاربايەۆ جاريالاعان «الەم. XXI عاسىر» مانيفەسىنە ب ۇ ۇ باس اسسامبلەياسى مەن قاۋىپسىزدىك كەڭەسىنىڭ رەسمي قۇجاتى مارتەبەسى بەرىلگەنىنە توقتالدى.
«مەن قازاقستاننىڭ الداعى ۋاقىتتا دا يادرولىق قارۋسىزدانۋ، بەيبىتشىلىكتى نىعايتۋ جانە حالىقارالىق قاۋىپسىزدىكتى قامتاماسىز ەتۋ پروتسەسىنە ۇلكەن ۇلەس قوساتىنىنا سەنىمدىمىن. بۇل باعىتتاعى جۇمىستارعا قازاقستاننىڭ 2017-2018 -جىلدارى بۇۇ قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلانۋى دا وڭ سەرپىن بەرەدى دەپ سەنەمىن» ، - دەپ اتاپ ءوتتى ساراپشى ۋ چۋكە.
ەسكە سالا كەتەيىك، 2016 -جىلدىڭ 29 - تامىزىندا سەمەي يادرولىق سىناق الاڭىنىڭ جابىلعانىنا 25 جىل تولادى. ءدال وسى كۇنى 1991 -جىلى قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ سىناق پوليگونىن جابۋ تۋرالى جارلىققا قول قويعان بولاتىن. ال 2009 -جىلى ب ۇ ۇ 29 - تامىزدى حالىقارالىق يادرولىق سىناقتارعا قارسى ءىس- قيمىل كۇنى رەتىندە بەكىتتى.
اۆتور: قانات مامەتقازى ۇلى
