12:03, 25 - تامىز 2016 | GMT +5
قۇرالاي نۇرقادىلوۆانىڭ مۇلكى ساتۋعا شىعارىلدى
الماتى. قازاقپارات - «قازكوممەرس بانك» ا ق- عا قارىزدانعان تانىمال قازاقستاندىق سانگەر قۇرالاي نۇرقادىلوۆانىڭ مۇلكى ساتىلىمعا شىعارىلدى.

ءبىرىڭعاي ەلەكتروندى ساۋدا الاڭى سايتىندا الماتىداعى «دۋبوك» شاعىن اۋدانىندا ورنالاسقان 0,1366 گ ا جەر تەلىمى بار جالپى كولەمى 283,8 شارشى مەتر ءۇيدىڭ ساتۋعا شىعارىلعانى حابارلاندى. جىلجىمايتىن مۇلىك شامامەن 109 ميلليون تەڭگەگە باعالانعان.
ساۋدالاسۋ 2016 -جىلدىڭ 7 - قىركۇيەگىندە باستالادى.
ايتا كەتەيىك، بىرنەشە جىلدان بەرى «قازكوممەرس بانك» پەن قۇرالاي نۇرقادىلوۆانىڭ اراسىنداعى داۋ- داماي باسىلار ەمەس.
ديزاينەردىڭ ايتۋىنشا، بانك وعان 2006 -جىلى العان 44 مىڭ دوللار نەسيەنى زاڭسىز ءىلىپ وتىر.