07:50, 25 - تامىز 2016 | GMT +5
داماسك تۇركيانىڭ سيرياعا باسىپ كىرگەنىن ايىپتادى
استانا. قازاقپارات - سيريا سىرتقى ىستەر مينيسترلىگى تۇرىك اسكەرىنىڭ سيرياعا باسىپ كىرۋىن ەل ەگەمەندىگىنە قول سۇعۋ دەپ ايىپتادى، دەپ جازادى ت ا س س.

سيريا س ءى م تۇرىك اسكەرىنىڭ «ي م» سودىرلارى باقىلاۋىنداعى دجەرابلۋس قالاسىنا باسىپ كىرۋىن ايىپتادى. مۇنى سيريا ۇكىمەتى ەگەمەندىككە قول سۇعۋ دەپ باعالادى.
«سانا اگەنتتىگى كەلتىرگەن رەسمي دەرەككوز مالىمەتىندە كەز كەلگەن تاراپ سيريا جەرىندە لاڭكەستىكپەن كۇرەستى ەل ۇكىمەتىمەن كەلىسىپ، سيريا اراب اسكەرىمەن ءوزارا ءىس- قيمىلدا عانا جۇرگىزۋى ءتيىس ەكەنى ايتىلعان.
سيريا تۇركيادان بۇل اگرەسسيانى توقتاتۋعا شاقىردى.