گ. گولوۆكينگە سپورتتاعى ەڭبەگى ءۇشىن حالىقارالىق وليمپيادا كوميتەتىنىڭ توسبەلگىسى تابىستالدى

حالىقارالىق وليمپيادا كوميتەتىنىڭ پرەزيدەنتى توماس باح گەننادي گولوۆكينگە وسىعان بايلانىستى وليمپيادالىق ايىرىم توسبەلگىسىن جولدادى.
«توسبەلگىدە وليمپيادا ويىندارىنىڭ نىشانى بەلگىلەنگەن - بەس دوڭگەلەك پەن افينى-2004 دەگەن جازۋ بار، بۇل قازاقستاندىق بوكسشىنىڭ وسى وليمپياداعا قاتىسقانىن بىلدىرەدى. وندا كۇمىس ەنشىلەنگەن بولاتىن»، - دەلىنگەن ۆكونتاكتە جەلىسىنىڭ GGG پاراقشاسىنداعى حابارلامادا.
ايتا كەتەرلىگى، گەننادي گولوۆكين مامىر ايىندا موناكوداعى گران- پري جۇلدەسىندە قوناق رەتىندە قاتىسىپ، سوندا موناكو كنيازى II البەر توماس باحپەن رەسمي تانىستىرعان بولاتىن. سول كەزدەسۋىندە حوك باسشىسى سپورتشىنىڭ تاماشا جەتىستىكتەرىنە باس يەتىنىن ايتىپ، قازاقستاندىق الەم چەمپيونىنا حالىقارالىق وليمپيادا كوميتەتى اتىنان سىيلىق جاسايتىنىن ۋادە ەتكەن- ءدى. بۇگىن وسى توسبەلگى GGG دىڭ Big Bear- دەگى جاتتىعۋ لاگەرىنە دە كەلىپ جەتتى.
ەسكە سالا كەتەيىك، 2004 -جىلى افينىداعى وليمپيادادا اۋەسقوي بوكسشى گەننادي گولوۆكين (75 كەلىگە دەيىنگى سالماقتا) كۇمىس جۇلدەنى يەلەنگەن بولاتىن. سودان ەكى جىلدان سوڭ گولوۆكين كاسىپقوي بوكستاعى ءوزىنىڭ العاشقى جەكپە- جەگىن وتكىزگەن ەدى.
بوكستان ورتا سالماقتاعى WBC، WBA (Super) ، IBO، IBF نۇسقالارى بويىنشا الەم چەمپيونى گەننادي گولوۆكين (35-0, 32 ك و) قىركۇيەكتىڭ 10 ىندا لوندوننىڭ «و2» ارەناسىندا IBF نۇسقاسىنداعى تيتۋل يەگەرى بريتاندىق كەلل برۋكپەن (36-0, 25 ك و) كەزدەسەدى.
اۆتور: قانات مامەتقازى ۇلى