22:35, 24 - تامىز 2016 | GMT +5
الەمدەگى ەڭ الىپ ۇشاق- ديريجابل قۇلادى
استانا. قازاقپارات - الەمدەگى ەڭ ۇزىن ۇشۋ اپپاراتى Airlander 10 انگليادا سىناق ۇشىرىلىمى ۋاقىتىندا اپاتقا ۇشىرادى.

الدىن الا اقپارات بويىنشا، ۇشاق- ديريجابل تەلەگراف باعانىنا ءىلىنىپ قالدى، دەپ حابارلادى bbc.
بريتاندىق Hybrid Air Vehicles كومپانياسى حابارلاعانداي، اپات كەزىندە ەشكىم زارداپ شەكپەدى.
Airlander 10 العاشقى ۇشىرىلىمى وتكەن اپتادا ءساتتى وتكەن بولاتىن.
اۋە كەمەسىنىڭ ۇزىندىعى الەمدەگى ەڭ ۇلكەن ان-224 "مريا" ۇشاعىنان سەگىز مەترگە ۇزىن.
اپپارات سالماعى 20 توننا. ونى ازىرلەۋشىلەر ۇشاق التى شاقىرىم بيىكتىككە كوتەرىلە الاتىنىن، ساعاتىنا 148 شاقىرىمعا جىلدامدىعىن ۇدەتە الاتىنىن ايتتى.
Airlander ۇشاعىن ا ق ش ۇكىمەتى ءۇشىن بارلاۋ اپپاراتى رەتىندە ازىرلەنگەن، الايدا جوبا قورعانىس شىعىستارىنىڭ قىسقارۋى سالدارىنان توقتاتىلعان.