استانانىڭ اۋداندارىندا جۇمىسپەن قامتۋ ورتالىعىنىڭ وكىلدىكتەرى اشىلدى

سونىمەن قاتار، ماماندار جاستار پراكتيكاسىنان، دايارلاۋ جانە قايتا دايارلاۋ كۋرستارىنان ءوتۋ جاعدايلارى مەن قاجەتتى قۇجاتتار توپتاماسى تۋرالى كەڭەس بەرەدى، دەپ حابارلايدى قالالىق اكىمدىكتىڭ باسپا ءسوز قىزمەتى.
جۇمىسپەن قامتۋ ورتالىعىنىڭ ديرەكتورى ولجاس وماردىڭ ايتۋىنشا، وكىلدىكتەر جۇمىسقا ورنالاسپاعان ازاماتتاردىڭ قولايلىعى ءۇشىن جاسالىپ وتىر.
- وكىلدىكتەردىڭ اشىلۋىنا جۇمىسقا ورنالاسۋ سالاسىندا جۇمىسسىز ازاماتتاردى مەملەكەتتىك قولداۋ شارالارىمەن كوبىرەك قامتۋ قاجەتتىلىگى نەگىز بولعان. ەڭ باستىسى، حالىققا تۇرعىلىقتى جەرىندە مەملەكەتتىك قىزمەتتىڭ وسى ءبىر ءتۇرىن الۋ وتە قولايلى بولىپ تابىلاتىندىعى، - دەيدى ولجاس ومار.
جۇمىسپەن قامتۋ ورتالىعىنىڭ وكىلدىكتەرى تىلەنديەۆ داڭعىلىنىڭ بويىندا ورنالاسقان «راحمەت»، اقجول كوشەسىندەگى «استىقجان» جانە «ارۋجان» ساۋدا ورتالىقتارىندا اشىلدى.
ەسكە سالا كەتەيىك، بۇعان دەيىن «استانالىق» بازاردا جانە «گۇلجان» ساۋدا ورتالىقتارىندا وسىنداي 2 ورتالىق ءوز جۇمىسىن باستاعان بولاتىن. بۇل جۇمىسسىزدىقتىڭ ەڭ تومەنگى دەڭگەيىن 4,7 پايىز شاماسىندا ساقتاۋعا مۇمكىندىك بەرەدى.