14:31, 24 - تامىز 2016 | GMT +5
سەربيا قازاقستان پرەزيدەنتىن سالتاناتپەن قارسى الدى
بەلگراد. قازاقپارات - قازاقستان پرەزيدەنتى نۇرسۇلتان نازاربايەۆتىڭ سەربياعا ساپارى باستالدى. سەربيا پالاتاسى عيماراتىنا كەلگەن ەلباسىن سەربيالىق ارىپتەسى توميسلاۆ نيكوليچ قارسى الىپ، زەڭبىرەكتەن 10 دۇركىن وق اتىلدى.

وسىدان كەيىن ەكى ەلدىڭ مەملەكەتتىك ءانۇرانى وينالىپ، مارتەبەلى مەيماننىڭ قۇرمەتىنە ساپ تۇزەگەن قاراۋىل باستىعى بايانات جاسادى.
قازاقستان پرەزيدەنتىن قارسى الۋ ءراسىمى اياقتالعاننان كەيىن ەكى ەلدىڭ مەملەكەت باسشىلارى شاعىن قۇرامداعى كەزدەسۋ زالىنا ءوتتى. قازىرگى ۋاقىتتا كەزدەسۋ باستالىپ كەتتى، ودان كەيىن كەڭەيتىلگەن قۇرامداعى كەلىسسوزدەر جۇرگىزىلەدى. قورىتىندىسىندا ءبىرقاتار ەكىجاقتى قۇجاتتارعا قول قويۋ جوسپارلانعان.
مۇنان بولەك، ەلباسىنىڭ سەربيا پرەمەر- ءمينيسترى الەكساندر ۆۋچيچپەن جانە سەرب پاتريارحى يرينەيمەن كەزدەسۋى، سونىمەن قاتار بەلگراد ورتالىعىنداعى شاعىن الاڭداردىڭ بىرىندە سەربيا پرەزيدەنتى توميسلاۆ نيكوليچپەن بىرگە جامبىل جابايەۆتىڭ ءمۇسىنىن اشۋى كۇتىلۋدە.
اۆتور: مارلان جيەمباي