ليليا راح وزبەكستان ازاماتىن ۇرلاۋعا كۇدىكتەلۋدە

الماتى قالاسى ءى ى د باسپا ءسوز قىزمەتىنىڭ حابارلاۋىنشا، 2016 -جىلدىڭ 9 - شىلدەسىندە ن. ەسىمدى ازامات الماتى پوليتسياسىنا 33 جاستاعى وزبەكستان ازاماتىنىڭ ءىز- ءتۇسسىز جوعالعانى جونىندە شاعىم تۇسىرگەن.
«جەدەل تەرگەۋ كەشەندى شارالارىن جۇرگىزۋ بارىسىندا ۋ. ەسىمدى ازاماتتىڭ ۇرلانعانى جانە جالعا الىنعان پاتەرلەردىڭ بىرىندە زورلىقپەن ۇستالىنىپ وتىرعاندىعى انىقتالدى. پوليتسيا بولىمدەرىنىڭ ۇيلەسىمدى ارەكەتىنىڭ ناتيجەسىندە ىزدەۋدەگى ادامنىڭ قاي جەردە ەكەندىگى انىقتالدى جانە ول قۇتقارىلدى. الماتى قالالىق ءى ءى د ۇيىمداسقان قىلمىسقا كۇرەس باسقارماسىنىڭ قىزمەتكەرلەرى وسى قىلمىستى جاسادى دەگەن كۇدىكپەن ءتورت ادامدى ۇستادى. ولاردىڭ ىشىندە ليليا راح تا بار»، - دەپ حابارلادى ءى ءى د باسپا ءسوز قىزمەتى..
قازىر، ق ر قىلمىستىق كودەكسىنىڭ 125-بابىنا سايكەس، سوتقا دەيىنگى تەرگەۋ امالدارى جۇرگىزىلىپ جاتىر. تەرگەۋ كەزەڭى بارىسىندا كۇدىكتىلەرگە قاتىستى تۇتقىنداۋ تۇرىندە بۇلتپارتپاۋ شاراسى تاعايىندالدى»، - دەلىنگەن حابارلامادا.
بۇدان بۇرىن حابارلانعانداي، ليليا راح 27 - شىلدەدەن 27 - قىركۇيەككە دەيىنگى مەرزىمگە قاماۋعا الىندى. ايتقانداي، Sauvage ليليا راحتىڭ داۋلى تاريحىن قاۋەسەت دەپ اتادى، ونىڭ ايتۋىنشا، كاسىپكەر دەمالىستا جۇرگەن.
اۆتور: ايبوتا جاپپاربەرگەن