ق ر ءبىلىم جانە عىلىم ءمينيسترى ەرلان ساعاديەۆ: مەكتەپ فورماسىنا قاتىستى دۇربەلەڭ تۋعىزۋدىڭ قاجەتى جوق

 الماتى. قازاقپارات - بۇگىن الماتىدا «ءبىلىمدى ەل - ماڭگىلىك ەل» تاقىرىبىندا ءداستۇرلى قالالىق ورتا ءبىلىم بەرۋ قىزمەتكەرلەرىنىڭ تامىز پەداگوگيكالىق كەڭەسى ءوتتى.
None
None

كەڭەسكە قاتىسقان ق ر ءبىلىم جانە عىلىم ءمينيسترى ەرلان ساعاديەۆ مەكتەپ ديرەكتورلارى مەن اتا- انالار كوميتەتىن مەكتەپ فورماسىنا قاتىستى ەلدى دۇرلىكتىرمەۋگە شاقىردى.

 «مەكتەپ ديرەكتورلارى مەن اتا- انالار كوميتەتىنە ۇلكەن ءوتىنىش. مەكتەپ فورماسىن ساتىپ الۋعا قاتىستى دۇربەلەڭ تۋعىزباڭىزدار. مەكتەپ فورمالارى ەڭ بولماسا وقۋ جىلىنىڭ العاشقى توقسانىنا دەيىن ساتىپ الىنسىن. وقۋ جىلى جاقىنداعاندا بارىپ، قيمىلداي باستايتىنىمىز تۇسىنىكتى عوي. مەكتەپ فورماسىنا قاتىستى اناۋ ايتقانداي تالاپتار جوق. تەك سىزدەردەن وتىنەرىم، وسىنىڭ بارلىعى ۋاقىتىمەن جاسالسىن»، - دەدى ول.

 ايتا كەتەلىك، ق ر ءبىلىم جانە عىلىم ءمينيسترى مىندەتتى مەكتەپ فورماسىنا قاتىستى تالاپتاردى بەكىتتى. ەندى، تالاپ بويىنشا مەكتەپ فورماسى ءۇش ءتۇستى ارالاستىرا وتىرىپ، ءبىرىڭعاي ستيلدە جاسالۋى ءتيىس.

اۆتور: ايبوتا جاپپاربەرگەن

سوڭعى جاڭالىقتار