13:29, 24 - تامىز 2016 | GMT +5
يۆان دىچكو قوستانايدان ءۇش بولمەلى پاتەر الادى
قوستاناي. قازاقپارات - بۇگىن قوستاناي مەن رۋدنىي قالالارى ءوز وليمپيادا باتىرىن - ريو جازعى ويىندارىنىڭ بوكستان قولا جۇلدەگەرى يۆان دىچكونى كۇتىپ الدى.

وبلىس ورتالىعى كوشەلەرىنە شىققان جانكۇيەرلەردىڭ قوشەمەتىنە بولەنگەن يۆان قولىنا مەملەكەتتىك تۋ ۇستاپ، سالتاناتتى كورتەجدە ءجۇرىپ ءوتتى. قوستانايداعى مەرەكەلىك شارالار اياقتالدى جانە دىچكو ءوزىنىڭ تۋعان قالاسى 50 شاقىرىم جەردەگى رۋدنىيعا اتتاندى. رۋدنىي ورتالىق الاڭىندا سپورتشىعا قۇرمەت كورسەتىلەدى جانە قوستاناي وبلىسىنىڭ اكىمى ارحيمەد مۇحامبەتوۆ قوستاناي قالاسىنان بەرىلەتىن ءۇش بولمەلى پاتەر سەرتيفيكاتىن تابىستايدى.