دانيار ەلەۋسىنوۆتىڭ زايىبى: كۇيەۋىمنىڭ جاراقاتىن كورگەندە، قۇلاي جازدادىم

استانا. قازاقپارات - بۇگىن استاناعا ريو وليمپياداسىنان قازاقستاننىڭ بوكس قۇراماسىنىڭ كاپيتانى، وليمپيادا چەمپيونى دانيار ەلەۋسىنوۆ ورالدى.
None
None

 تۇنگى ۋاقىتقا قاراماستان، ونى كۇتىپ الۋعا تۋىستارى مەن جاقىندارى، جانكۇيەرلەرى كەلدى.

«مەن وتە قۋانىشتىمىن، ول ءۇشىن قاتتى ۋايىمدادىم، وتە قورقىنىشتى بولدى. مەن ونىڭ جاراقاتىن كورگەندە، قۇلاي جازدادىم. قازىر بارلىعى جاقسى، ءبىز وتە باقىتتىمىز»، - دەدى د. ەلەۋسىنوۆتىڭ زايىبى «قازاقپارات» تىلشىسىنە بەرگەن سۇحباتىندا.

ەسكە سالا كەتەيىك، ريو وليمپياداسىندا بوكستان وتكەن جارىستا 69 كەلىدە ونەر كورسەتكەن قازاقستاندىق بوكسشى دانيار ەلەۋسىنوۆ جارتىلاي فينالدا فرانسۋز سۇلەيمان سيسسوكوعا قارسى كەزدەسۋ وتكىزدى. جەكپە- جەكتىڭ ءبىرىنشى راۋندى دانيار ەلەۋسىنوۆتىڭ ايقىن جەڭىسىمەن اياقتالعان بولاتىن. ەكىنشى راۋندتا دا قازاقستاندىق بوكسشى ەداۋىر باسىمدىقپەن الدا كەلە جاتقان. الايدا قارسىلاسىنىڭ باسىنا سوعىلعان دانيار شەكەسىن قاتتى جاراقاتتاپ العان ەدى. دارىگەر كەزدەسۋدى جالعاستىرۋعا تىيىم سالدى. تورەشىلەر جەڭىستى قازاققا بەردى. سيسسوكو بولسا، قولا مەدال يەلەندى.

فينالدا د. ەلەۋسىنوۆ وزبەكستان بوكسشىسى شاحرام گياسوۆتان باسىم ءتۇستى.

ريودان دانيارمەن بىرگە ونىڭ اكەسى جانە جەكە باپكەرى - مارات ەلەۋسىنوۆ تە كەلدى.

«ىشتەگى سەزىمدى سوزبەن ايتىپ جەتكىزۋ مۇمكىن ەمەس، مەن وتە باقىتتىمىن. ءبىز بۇعان كوپ جىلدار بويى تالپىنىپ كەلدىك، ەندى مىنە سوعان دا قول جەتكىزدىك. جانكۇيەرلەرگە مىڭ العىس. تانىمايتىن ادامداردىڭ ءوزى جازىپ جاتىر، قوڭىراۋ شالىپ جاتىر - بىزگە وتە قۋانىشتى»، - دەپ اتاپ ءوتتى م. ەلەۋسىنوۆ.

 اۆتور: جاسۇلان جولدىبايەۆ

سوڭعى جاڭالىقتار