يرلانديالىق بوكسشى تورەشىلەردى قورلاعانى ءۇشىن جازالاناتىن بولدى

«كونلان بىردەن تورەشىلەرگە ورتاڭعى ساۋساعىن كورسەتتى. حوك بۇل ارەكەتتى تارتىپسىزدىك دەپ باعالادى. ادامداردىڭ نامىسىنا تيۋگە بولمايدى، ولار رەسمي تۇلعالار. بۇل ارەكەتىمەن ول ءوزىن دە ىڭعايسىز جاعدايعا قالدىردى. وسىدان كەيىن وعان قاتىستى تارتىپتىك جازالار تاعايىندالادى. ءوزىن لايىقتى دەڭگەيدە ۇستاعان ءجون. ەگەر شەشىمگە رازى بولماساڭ، تورەشىلەردى قورلاۋعا بولمايدى. بۇل ونى جازالاعىسى كەلىپ جۇرگەندەردىڭ نازارىنا ىلىكتى. ءبىز وسى جاعدايعا بايلانىستى تارتىپتىك كوميسسيا قۇراتىن بولامىز»، - دەپ حابارلادى ۆۋ.
ەسكە سالايىق، يرلانديالىق 56 كەلىگە دەيىنگى سالماق دارەجەسىندە جۇدىرىقتاساتىن چەمپيون مايكل كونلان تورەشىلەردىڭ شىعارعان شەشىمىنە ريزا بولمادى. كەزدەسۋدىڭ قورىتىندىسىن جاريالاعان كەزدە كونلان تورەشىلەرگە نارازىلىق تانىتىپ، ورتاڭعى ساۋساعىن كورسەتكەن جانە اۋەسقوي بوكستاعى مانسابىن اياقتايتىنىن مالىمدەگەن.