اركتيكاداعى مۇز ەرۋى رەكوردتى كورسەتكىشكە جەتتى

مامانداردىڭ پايىمداۋىنشا، بۇل قۇبىلىستىڭ كوپتەگەن جاعىمسىز سالدارى دا بولۋى مۇمكىن. اۋا رايىنىڭ وزگەرۋى افريكا مەن ازيا ايماقتارىنا جانە اركتيكا اۋماعىنا ەرەكشە اسەر ەتۋدە. الەم سۋ تاپشىلىعىن سەزىنەدى.
ۋولت مەيەر، ا ق ش اۋە- عارىش اگەنتتىگىنىڭ مامانى:
- اركتيكاداعى تەڭىز مۇزى پوليۋس ءۇشىن قالپاق سەكىلدى. ءتۇسى اق بولعاندىقتان، وعان، اسىرەسە جاز ماۋسىمىندا كۇن ساۋلەلەرىنىڭ كوبىسى شاعىلادى. وسىلايشا، بۇل قالپاق عالامدىق اۋا رايى جۇيەسىندە توڭازىتقىش قىزمەتىن اتقارادى. ال سوڭعى جىلدارى مۇز تەز ەري باستادى.
عالىمداردىڭ ايتۋىنشا، الەمنىڭ وزگە بولىكتەرىمەن سالىستىرعاندا اركتيكا ايماعىندا جىلۋ پروتسەسى ارتتى. بۇل اۋارايىنا تىكەلەي اسەر ەتەدى.
ۋولت مەيەر، ا ق ش اۋە- عارىش اگەنتتىگىنىڭ مامانى:
- اركتيكا جىلىعاندا، سولتۇستىك پەن وڭتۇستىك ەندىكتەر اراسىنداعى كليمات تەپە- تەڭدىگى وزگەرەدى، ال بۇل ءوز كەزەگىندە اۋا رايىنا اسەر ەتەدى. بۇگىندە وسىنىڭ سالدارىن بايقاۋعا بولادى، ماسەلەن تەڭىز اعىستارىنىڭ باعىتى وزگەرىپ ءجۇر. ادەتتە ولار شىعىستان باتىسقا باعىتتالعان، ءبىراق قازىر سولتۇستىك پەن وڭتۇستىككە ۇزارىپ، ىلمەكتى سيپاتقا يە بولدى. بۇل قۋاڭشىلىق، مۋسسون جاڭبىرلارى مەن سۋ تاسقىندارىنا سەبەپ بولىپ ءجۇر.
2018 - جىلى ا ق ش اۋە- ارىش اگەنتتىگى ICESat 2 مەتەورولوگيالىق سپۋتنيگىن وربيتاعا ۇشىرۋدى كوزدەپ وتىر. جەر سەرىگى اركتيكا ايماعىن باقىلاپ، عالىمداردى تولىعىراق مالىمەتپەن قامتاماسىز ەتەدى.
www.24.kz