قازاقستاندىق تالاپكەرلەردىڭ جارتىسىنان كوبى كەشەندى تەستىلەۋدى قايتا تاپسىرا المادى

 استانا. قازاقپارات - 2016 -جىلدىڭ 19 - 21 - تامىزى ارالىعىندا قازاقستاننىڭ بارلىق ايماقتارىندا كەشەندى تەستىلەۋدى قايتا تاپسىرۋ وتكىزىلدى. بۇل شارا 37 بازالىق جوعارى وقۋ ورنىندا ورنالاستىرىلعان تەستىلەۋ وتكىزۋ پۋنكتتارىندا بولىپ ءوتتى.
None
None

بۇل تۋرالى ق ر ءبىلىم جانە عىلىم مينيسترلىگىنىڭ باسپا ءسوز قىزمەتىنەن حابارلادى.

تەستىلەۋگە كەلەسى ساناتتارعا جاتقىزىلاتىن ازاماتتار قاتىستى:

 - ۇلتتىق ءبىرىڭعاي تەستىلەۋ (ۇ ب ت) بارىسىندا تومەنگى بالل دەڭگەيىنە جەتە الماعاندار؛

 - ۇ ب ت- گە قاتىسپاعاندار؛

 - تالاپكەرلەردىڭ كەشەندى تەستىلەۋىنە (ت ك ت) قاتىسىپ، تومەنگى بالل دەڭگەيىنە جەتە الماعاندار؛

 - ت ك ت- گە قاتىسپاعاندار؛

 - ۇ ب ت جانە ت ك ت بارىسىندا كورسەتىلگەن ناتيجەلەرى جويىلعان ازاماتتار.

 تەستىلەۋگە 41801 تالاپكەر (قاتىسۋعا ءوتىنىم جاساعاندار سانى - 45025) قاتىستى، ونىڭ 27306 - قازاق تىلىندە وقۋعا نيەتتى ادامدار، 14495 - ورىس تىلىندە وقۋدى تاڭداعاندار.

تەستىلەۋ ناتيجەلەرى بويىنشا تومەنگى بالل دەڭگەيىنە 23778 ادام (56,884 پايىز) جەتە المادى.

ۇ ب ت ەرەجەلەرىن بۇزعانى ءۇشىن 104 تالاپكەر تەستىلەۋدەن شەتتەتىلىپ، ولاردىڭ كورسەتكەن ناتيجەلەرى جويىلدى.

 بيىلعى جىلى تالاپكەرلەردى مورالدىق- پسيحولوگيالىق تۇرعىدان قورعاپ، ولاردىڭ جوعارى ءبىلىم الۋ مۇمكىندىكتەرىن ەداۋىر ارتتىراتىن يكەمدى جاعدايلار جاسالعانى بەلگىلى. ۇ ب ت جانە ت ك ت ناتيجەلەرى بويىنشا ج و و- دا ءبىلىم الۋ مۇمكىندىگىن بەرەتىن ەڭ تومەنگى بالل دەڭگەيىنەن اسا الماعان تالاپكەرلەر تەستىلەۋدى اقىلى نەگىزدە قايتا تاپسىرا الاتىن بولدى.

قايتا تاپسىرۋ قورىتىندىلارى بويىنشا بارلىق قاتىسۋشى تالاپكەرلەرگە تەستىلەۋ بارىسىندا الىنعان كورسەتكىشتەرى جازىلعان سەرتيفيكاتتار تاپسىرىلدى. بۇل قۇجات، تالاپكەر ەڭ تومەنگى بالل دەڭگەيىنەن اساتىن كورسەتكىشكە قول جەتكىزگەن جاعدايدا، ج و و- نا اقىلى نەگىزدە ءتۇسۋ مۇمكىندىگىن بەرەدى.

قايتا تەستىلەۋ نايجەسى بويىنشا ەڭ تومەنگى بالل دەڭگەيىنەن اسا الماعان تالاپكەرلەر ج و و- نا اقىلى نەگىزدە، كۇندىزگى وقۋ بولىمدەرىنە العاشقى اكادەميالىق كەزەڭنىڭ اياعىنا دەيىن (1-كۋرستىڭ سوڭىنا دەيىن) قابىلدانادى. وسىنداي شارت نەگىزىندە قابىلدانعان ازاماتتار ءبىرىنشى اكادەميالىق كەزەڭنەن كەيىن قايتا تەستىلەۋدەن وتەدى. وسى مۇمكىندىكتى پايدالانى الماعاندار ج و و- نان شىعارىلادى. كەرىسىنشە، تەستىلەۋ قورىتىندىسىندا جاقسى ناتيجە كورسەتكەندەر (تومەنگى بالل دەڭگەيىنەن اساتىن كورسەتكىشتەرگە كول جەتكىزگەندەر) كەلەسى كۋرسقا ءوتىپ، وقۋلارىن جالعاستىرادى.

سوڭعى جاڭالىقتار