ق ر پرەزيدەنتىنىڭ پولشاداعى مەملەكەتتىك ساپارى باستالدى

ۆارشاۆا. قازاقپارات - بۇگىن ق ر پرەزيدەنتى نۇرسۇلتان نازاربايەۆتىڭ پولشاعا مەملەكەتتىك ساپارى ۆارشاۆاداعى پرەزيدەنتتىك سارايدا اسا قۇرمەتتى قوناقتى رەسمي تۇردە قارسى الۋ راسىمىنەن باستالدى.
None
None

ەلباسىن پولشا پرەزيدەنتى اندجەي دۋدا قارسى الىپ، قۇرمەت تۇعىرىنا شاقىردى. سالتاناتتى ءراسىم قۇرمەت قاراۋىلى كومانديرىنىڭ راپورتىنان باستالىپ، ەكى ەلدىڭ ۇلتتىق ءانۇراندارىنىڭ ورىندالۋىمەن جالعاستى. ق ر پرەزيدەنتى قۇرمەت قاراۋىل سابىنىڭ الدىمەن جۇرگەن كەزدە ساربازدار مەن وفيتسەرلەر قۇرمەت كورسەتتى.

اتاپ ايتقاندا، نۇرسۇلتان نازاربايەۆتى قوشەمەتتەۋ ءۇشىن پرەزيدەنتتىك ساراي ماڭىنا قازاقستان تۋلارىمەن پولشادا وقىپ جۇرگەن كوپتەگەن ستۋدەنتتەر جينالدى.

ەستەرىڭىزگە سالا كەتەيىك، 22-23 -تامىزدا نۇرسۇلتان نازاربايەۆ پولشا پرەزيدەنتى اندجەي دۋدانىڭ شاقىرۋىمەن وسى ەلدە مەملەكەتتىك ساپارمەن بولادى.

ەكى ەلدىڭ باسشىلارى ساۋدا- ەكونوميكالىق، ينۆەستيتسيالىق، اۋىل شارۋاشىلىعى، ترانزيتتىك- كولىكتىك جانە مادەني- گۋمانيتارلىق سالالاردا ىنتىماقتاستىقتى نىعايتۋ جولدارىن تالقىلايدى دەپ كۇتىلۋدە. سونىمەن قاتار مەملەكەت باسشىسىنىڭ قازاقستان- پولشا بيزنەس- فورۋمىنا قاتىسۋى جوسپارلانىپ وتىر.

قازىرگى كەزدە ن. نازاربايەۆ پەن ا. دۋدانىڭ كەزدەسۋى ءوتىپ جاتىر. بۇدان بولەك، كەڭەيتىلگەن قۇرامداعى كەلىسسوزدەردى جۇرگىزۋ جوسپارلانۋدا. ونىڭ قورىتىندىسى بويىنشا ءبىرقاتار ەكىجاقتى قۇجاتتارعا قول قويۋ ءراسىمى وتەدى.

اۆتور: رۋسلان عابباسوۆ

سوڭعى جاڭالىقتار