امەريكالىقتارعا پرەزيدەنتتىكتەن ۇمىتكەر ترامپ پەن كلينتون كەرەك ەمەس

استانا. قازاقپارات - امەريكالىقتارعا ترامپ پەن كلينتون كەرەك ەمەس ا ق ش- تا وتەتىن پرەزيدەنتتىك سايلاۋ جاقىنداعان سايىن باسەكەلەستىك تە قىزا تۇسۋدە.
None
None

ءبىراق مارە جاقىنداعان سايىن قوس ۇمىتكەرگە حالىقتىڭ كوزقاراسى دا سالقىنداي باستاعانداي.

 سوڭعى دەرەكتەرگە جۇگىنەر بولساق، ا ق ش تۇرعىندارىنىڭ 57 پايىزى پرەزيدەنتتىككە رەسپۋبليكالىق پارتيانىڭ جەتەكشىسى دونالد ترامپ پەن دەموكرات حيللاري كلينتوننىڭ عانا تۇسكەنىنە نارازى بولىپ وتىر.

The Washington Post باسىلىمىنىڭ حابارلاۋىنشا، باسقا ۇمىتكەرلەردى حالىق كەرەك ەتپەيتىندەي ارەكەت بار. سايلاۋشىلاردىڭ 35 پايىزى سايلاۋ باسەكەسىنە ءۇشىنشى كانديداتتى شىعارۋدى تالاپ ەتۋدە. اتاپ وتەر بولساق، حالىق ۇسىنىپ وتىرعان كانديداتتار اراسىندا ساياسي دودادان شىعىپ قالعان دەموكرات بەرني ساندەرس پەن رەسپۋبليكالىق پارتيا وكىلى تەد كرۋز بار. ءبىراق سايلاۋ زاڭدىلىعىنا سايكەس، وزا شاۋىپ كەلە جاتيقان ەكەۋدەن باسقا ەندى ەشكىم سايلاۋ دوداسىنا قاتىسا المايدى.

ال امەريكالىقتاردىڭ كلينتون مەن ترامپتى مەنسىنبەي وتىرعانى تۇسىنۋگە تۇرارلىق. ويتكەنى ۋادەنى ءۇيىپ- توگىپ جاتقان ەكەۋدەن گورى حالىققا سالماقتىراق ساياساتكەر كەرەك سەكىلدى. اقيقاتىندا پرەزيدەنتتىك سايلاۋعا دەيىنگى ايتىلعان باعدارلاما قانشالىقتى ورىندالىپ جاتىر؟ انىعى، الەمگە وكتەمدىگىن جۇرگىزىپ وتىرعان امەريكالىق ساياساتتان ا ق ش- تىڭ ءوز حالقى دا شارشاي باستاعان سياقتى.

 

«ايقىن»

سوڭعى جاڭالىقتار