لەۆيت- تيشەنكو جەكپە-جەگى: شەشىم ءادىل

استانا. قازاقپارات - حالىقارالىق اۋەسقوي بوكس اسسوتسياتسياسىنىڭ پرەزيدەنتى لەۆيت- تيشەنكو جەكپە-جەگىندەگى تورەلىكتىڭ ادىلەتتى بولعانىن اتادى.
None
None

- ءبىز توماس باحپەن (ح و ك پرەزيدەنتى) بىرگە وتىرىپ، وسى جەكپە-جەكتى كورگەن ساتىمىزدە ەشقانداي دا قاتەلىكتىڭ بولماعانىن ۇقتىق. ءبىراق كەلەسى كۇنى بۇل داۋلى ماسەلەگە اينالدى. بۇل شىن مانىندە تاڭعالدىردى. سوندىقتان باح تا، مەن دە جەڭىمپازعا قوشامەت كورسەتتىك. سپورتتىڭ اتى سپورت. ال قازىلاردىڭ شەشىمىن قۇرمەتتەۋ وتە ماڭىزدى. ەگەر شەشىمدى ءارقاشان وزگەرتكىمىز كەلسە، قازىلاردىڭ نە قاجەتى بولادى؟ ولاردىڭ بارلىعى جوعارى ماماندانعان ءارى ەمتيحاننان وتكەن ادامدار. مۇندا قاساقانا جاسالعان ەشتەڭە كورمەدىم. بەس قازى بار، ءۇش قازىنىڭ جازعانى بار، ونى كومپيۋتەر تاڭدايدى، ءسويتىپ شىعارىلعان شەشىم، مەنىڭشە، دۇرىس بولعان، - دەپ مالىمدەدى AIBA پرەزيدەنتى.

«ءبىراق بۇل شەشىم داۋ تۋعىزعاندىقتان، ءبىز تورەشىلەر كوميسسياسى مەن تارتىپتىك كوميتەتتىڭ ءتوراعالارىنان، سونىمەن قاتار ساراپشىدان جەكپە-جەكتى قايتالاپ كورىپ، تەكسەرىپ شىعۋدى سۇرادىق. قايتالاپ كورۋ ناتيجەسىندە بارلىعى قازىلاردىڭ شىعارعان شەشىمىمەن كەلىستى. ءبىز بۇل ۆيدەونى ب ا ق- تارعا جانە قوعامعا كورسەتە الامىز، بارلىعى كورسىن»، - دەپ كەلتىرەدى پرەزيدەنتتىڭ ءسوزىن ۆۋ San Francisco Chronicle.

 

«ايقىن»

سوڭعى جاڭالىقتار