پولشا كاسىپكەرلەرى قازاقستانعا تەرەڭنەن كومىر ءوندىرۋ تەحنولوگياسىن ۇسىنۋدا

ۆارشاۆا. قازاقپارات - پولياك كاسىپكەرلەرى ءۇشىن قازاقستان كەلەشەگى مول نارىق بولىپ ەسەپتەلەدى جانە پولشامەن تاۋار اينالىمى بويىنشا قازاقستان ءتورتىنشى ورىندا تۇر.
None
None

  بۇل تۋرالى پولشا جۇمىس بەرۋشىلەر وداعىنىڭ، ۇلتتىق يننوۆاتورلار ۇيىمى پرەزيدەنتى مونيكا پەنتكوۆسكي حابارلادى.

«ءبىز بىرنەشە جىل ىشىندە قازاقستانداعى پولياك فيرمالارىنىڭ سانىن ارتتىردىق. ءسىزدىڭ نارىقتا قازىر 100-دەن استام فيرما جۇمىس ىستەۋدە. ولاردىڭ قىزمەتى تاۋ- كەن جابدىقتارىن جەتكىزۋ، حيميا ونەركاسىبى، فارماتسيەۆتيكا، ازىق- تۇلىك سەكتورىمەن بايلانىستى. سوڭعى سالا بويىنشا، ماسەلەن، ءبىز قازاقستانعا الما مەن المۇرت ەكسپورتتايمىز»، - دەدى ول.

سونىمەن بىرگە، مونيكا پەنتكوۆسكيدىڭ ايتۋىنشا، الداعى ۋاقىتتا بىرلەسكەن كاسىپورىنداردىڭ سانىن ارتتىرۋ كوزدەلگەن. «مەن ەنەرگەتيكالىق سەكتورعا جاۋاپ بەرەتىن جۇمىس بەرۋشىلەر وداعىن تانىستىرعىم كەلەدى. ءبىزدىڭ قاراۋىمىزدا بۇل سالاداعى ەڭ ءىرى فيرمالار بار جانە ولاردىڭ بىرنەشەۋى قازاقستاندا دا جۇمىس ىستەپ جاتىر. ءبىزدىڭ وداق ءىرى جوبالارمەن اينالىسادى. جانە وسى جوبالاردى قازاقستانعا كەڭىنەن ەنگىزگىمىز كەلەدى. ياعني، تەك قانا قۇرالدارمەن قامتاماسىز ەتىپ قويماي، باسقارۋعا دا كومەكتەسۋگە نيەتتىمىز، سەبەبى بۇل سالادا پولشانىڭ تاجىريبەسى مول. مىسالى، ءبىزدىڭ ەلىمىز - تەرەڭ جەر قاباتىنان كومىر وندىرەتىن ەۋروپاداعى جالعىز مەملەكەت جانە بۇل تاجىريبەمىزبەن بولىسكىمىز كەلەدى»، - دەدى ول.

ونىڭ ايتۋىنشا، پولياك فيرمالارى قاۋىپسىزدىك پەن ساپا تالاپتارىنا ساي كەلەدى. «قازاقستاندى مەملەكەتتىك باعدارلامادا پەرسپەكتيۆالى ەل دەپ تانىدىق. ءبىز قازاقستاندا ەكى ەلدىڭ مۇمكىندىكتەرىن ءوزارا دامىتاتىن ەنەرگەتيكالىق جانە تاۋ- كەن ورتالىعىن اشۋدى ۇسىنامىز»، - دەپ تولىقتىردى ول.

 ايتا كەتەيىك، 22-23 - تامىز كۇندەرى مەملەكەت باسشىسى نۇرسۇلتان نازاربايەۆ ەل پرەزيدەنتى اندجەي دۋدانىڭ شاقىرۋىمەن پولشا رەسپۋبليكاسىنا مەملەكەتتىك ساپارمەن بارادى. ەكى ەل باسشىلارى ساۋدا- ەكونوميكالىق، ينۆەستيتسيالىق، اۋىلشارۋاشىلىق، ترانزيتتىك- كولىكتىك جانە مادەني- گۋمانيتارلىق سالالارداعى ىنتىماقتاستىقتى نىعايتۋ جولدارىن تالقىلايدى. سونىمەن بىرگە، مەملەكەت باسشىسى قازاقستان- پولشا بيزنەس- فورۋمىنا قاتىسادى.

سوڭعى جاڭالىقتار