داريعا شاكىموۆانىڭ اناسى: اسەرىمدى سوزبەن ايتىپ جەتكىزە المايمىن

پەتروپاۆل. قازاقپارات - وتكەن ءتۇنى مىڭداعان سولتۇستىك قازاقستاندىقتار تولقىنىس ۇستىندە بولدى.
None
None

جارتىلاي فينالدا ءوڭىر تۋماسى داريعا شاكىموۆا وليمپيادا چەمپيونى امەريكالىق كلارەسسا شيلدسپەن جەكپە- جەككە شىقتى.

بارىنەن بۇرىن سپورتشىنىڭ اناسى زەينەپ شاكىموۆا قاتتى الاڭدادى. ءتىپتى ايقاستى كورۋگە جۇرەگى داۋالامادى. قولا جايلى وعان تۋىستارى حابارلاعان.

«اسەرىمدى سوزبەن ايتىپ جەتكىزۋ مۇمكىن ەمەس. قازىر ۇيدە قوناقتار كوپ، ءبارى قۇتتىقتاۋدا»، - دەدى ز. كوكەك قىزى.

داريعا شاكىموۆانىڭ العاشقى باپكەرلەرىنىڭ ءبىرى سابىرجان ساقتاعانوۆ ءوز تاربيەلەنۋشىسىن ماقتان تۇتاتىنىن، جۇلدە ءۇشىن قۋانىشتى ەكەنىن جەتكىزدى.

«داريعا وليمپيادالىق مەدالعا 10 جىل ازىرلەندى. ونىڭ ارمانىنىڭ ورىندالعانى ءۇشىن وتە قۋانىشتىمىن»، - دەدى سابىرجان ساقتاعانوۆ.

داريعا امەريكالىق قارسىلاسىمەن تەڭ ويىن وتكىزدى، - دەدى سپورت شەبەرى، ق ر كيكبوكسينگ بويىنشا ەڭبەك سىڭىرگەن باپكەرى رۋسلان ەسەنالين.

«داريعا ۇنەمى تەحنيكاسىنىڭ جوعارىلىعىمەن ەرەكشەلەندى، اياقپەن جاقسى جۇمىس ىستەيدى. جىلدام قوزعالادى. وليمپيادادا امەريكالىقپەن جۇدىرىقتاسقانى تارتىستى ءوتتى. جەكپە-جەك اۋىر بولدى، ءبىراق داريعاعا جەڭىسكە دەگەن ۇمتىلىسى جاردەمدەستى».

 

سوڭعى جاڭالىقتار