ماعان قولداۋ كورسەتكەنى ءۇشىن قازاق ەلىنە شىن جۇرەكتەن العىسىمدى بىلدىرەمىن - جازيرا جاپپارقۇل

الماتى. قازاقپارات - ماعان قولداۋ كورسەتكەنى ءۇشىن قازاق ەلىنە شىن جۇرەكتەن العىسىمدى بىلدىرەمىن!
None
None

بۇگىن الماتىعا ورالعان ريو وليمپياداسىنىڭ كۇمىس جۇلدەگەرى جازيرا جاپپارقۇل اۋەجايدا جۋرناليستەرگە بەرگەن سۇحباتىندا وسىلاي دەدى.

«قازاقستانعا امان- ەسەن كەلگەنىمە قۋانىشتىمىن. ماعان قىزۋ قولداۋ كورسەتكەنى ءۇشىن قازاق ەلىنە شىن جۇرەكتەن ۇلكەن العىسىمدى بىلدىرەمىن! ەلباسىنا ايتار الىسىم شەكسىز! ءبىزدى كەرەمەت كۇتىپ الىپ جاتىرسىزدار! ءبىز سىزدەردىڭ قولداۋلارىڭىزدى ۇنەمى سەزىنىپ جۇردىك. راحمەت! العا قازاقستان!»، - دەدى ول.

سونىمەن قاتار، جازيرا ەندى الداعى توكيو وليمپياداسىندا چەمپيون اتانۋعا كۇش سالاتىندىعىن جەتكىزدى.

«ەندى، بۇل وليمپيادادا التىن مەدالعا قول جەتكىزۋدى جوسپارلاعان ەدىم. الايدا، جاتتىعۋ بارىسىندا ازداپ قاتەلىكتەر كەتتى. جاراقات الىپ قالدىم. سونى ەمدەتەم دەپ التىن ۋاقىتىمدى جوعالتىپ الدىم. ءبىراق، ءوزىم ءبارىبىر كوڭىلىمدى تۇسىرگەن جوقپىن. ريودا ءسال قيىنداۋ بولدى. ءبىراق، قولىمنان كەلگەنىنىڭ بارلىعىن جاسادىم. اللاعا شۇكىر، كۇمىس جۇلدەگە قول جەتكىزدىم. بۇعان دا جەتە الماي جاتقاندار بار عوي. سول جەتە الماي جاتقاندارعا وسىنداي مەدالدارعا جەتە بەرۋلەرىنە تىلىكتەسپىن. قازاق ەلى جاساسىن! ەندى الداعى توكيو وليمپياداسىنا دايىندالامىن»، - دەدى ج. جاپپارقۇل.

ەستەرىڭىزگە سالا كەتەلىك، جازيرا جاپپارقۇل ريو وليمپياداسىندا 69 كەلىگى دەيىنگى سالماق دارەجەسىندە ونەر كورسەتتى. جۇلقا كوتەرۋدەن جازيرا 115 كەلىنى كوتەردى، ال جۇلقا كوتەرۋدە 144 كەلىنى باعىندىردى. وسىلايشا قوسسايىستىڭ قورىتىندىسى بويىنشا 259 (115+144) كەلىنى كورسەتىپ، ريو وليمپياداسىنىڭ كۇمىس جۇلدەگەرى اتاندى.

جازيرا وڭتۇستىك قازاقستان وبلىسى، ارىس قالاسىنىڭ تۋماسى.

ايتا كەتەلىك، ريو وليمپياداسىنا قازاقستاننان 104 سپورتشى 26 سپورت تۇرىنەن ونەر كورسەتتى. قازىرگى تاڭدا قازاقستاندىق اتلەتتەردىڭ قورجىنىندا 6 سپورت ءتۇرى بويىنشا 17 مەدال بار: 3 التىن، 5 كۇمىس جانە 9 كۇمىس. وسىلايشا، 2016 -جىلدىڭ 20 تامىزىنداعى جاعداي بويىنشا 1996 -جىلعى اتلانتا وليمپياداسىنان بەرى تاۋەلسىز قازاقستاندا وليمپيادا چەمپيوندارىنىڭ سانى - 19 عا جەتتى.

اۆتور: ايبوتا جاپپاربەرگەن

سوڭعى جاڭالىقتار