ادىلبەك نيازىمبەتوۆتىڭ وليمپياداداعى فينالدىق سايىسىن بۇكىل اقتاۋ تاماشالاپ قارادى - فوتو

ءبىزدىڭ ءبارىمىز دە: تانىستارى، تۋىستارى، سپورت فاناتتارى، جاتتىقتىرۋشىلار جانە اقتاۋ جاستارى - ادىلبەككە جانكۇيەر بولدىق. سايىستى كورۋگە ق ر پارلامەنتى ءماجىلىسىنىڭ دەپۋتاتى تاراس حيتۋوۆ، ماڭعىستاۋ وبلىسىنىڭ اكىمى اليك ايداربايەۆ، ونىڭ ورىنباسارى بانۋ نۇرعازيەۆا، ادىلبەكتىڭ اكەسى - ءسابيت نيازىمبەتوۆ جانە باسقالار كەلدى. ونىڭ العاشقى ۇرىسىن قاراۋعا - سەيسەنبى كۇنى تۇندە ءبىز «قازاقتەلەكوم» ا ق- عا جينالدىق، ال كەشەگى كۋبالىق حۋليو سەزار لا كرۋسپەن ەكىنشى جەكپە- جەگىن اقتاۋ قالاسىنىڭ 7-شاعىناۋدانىندا جاعالاۋداعى باسكەتبول الاڭىندا كوردىك. ءبىز ول ءۇشىن قۋانىشتىمىز!»، - دەدى بوكستان 2005 -جىلعى الەم چەمپيونى ەردوس جاڭابەرگەنوۆ.
«مەنىڭ بارلىق سەزىمىم، كۇيزەلىسىم جانە ادىلبەككە كەڭەس بەرۋ تىلەگىم، جىبەرىپ العان سوققىلارى ءۇشىن وكىنىش - ءبارى دە مەنىڭ بەتىمنەن بايقالىپ تۇردى»، - دەدى ول.
ەردوس جاڭابەرگەنوۆ العاش رەت 2004 -جىلى قازاقستان چەمپيونى بولدى. 2005 -جىلعى 81 كەلىگە دەيىنگى سالماقتاعى الەم چەمپيونى. 2006 -جىلى ستۋدەنتتەر اراسىنداعى الەم چەمپيونى بولدى. 2011 -جىلى اسكەري قىزمەتشىلەر اراسىنداعى الەم چەمپيوناتىندا 1 -ورىنعا يە بولدى.
ەسكە سالا كەتەيىك، اقتاۋ قالاسىنان شىققان بوكسشى 81 كەلىگە دەيىنگى سالماق ساناتىنداعى ادىلبەك ريو- دە- جانەيروداعى وليمپيادا-2016 كۇمىس جۇلدەگەرى اتاندى.
اۆتور: قانات مامەتقازى ۇلى