وليمپيادادا «قولا» جۇلدە العان ەلميرا سىزدىقوۆاعا ءبىر بولمەلى پاتەر سىيعا بەرىلەدى - فوتو

قاراعاندى. قازاقپارات - قاراعاندىدا سپورت كۇنى ريو- دە- جانەيروداعى وليمپيادالىق ويىنداردىڭ بارلىق قاتىسۋشىلارىن قۇتتىقتايدى.
None
None

ەلميرا سىزدىقوۆاعا ەرەكشە قۇرمەت كورسەتىلەتىن بولدى. بۇل تۋرالى وبلىستىق دەنە شىنىقتىرۋ جانە سپورت باسقارماسىنىڭ باسشىسى ناتاليا سۋحورۋكوۆا مالىمدەدى.

«وليمپيادا ويىندارىنىڭ ارەنالارىندا جاۋاپتى جارىس مىنبەرىنە كوتەرىلىپ، كوك تۋىمىز جەلبىرەگەن ساتتە بارشا قازاقستاننىڭ توبەسى كوككە جەتەدى. بۇگىن قازاقستان قورجىنىندا 15 مەدال ءتۇستى. قاراعاندىلىق جەرلەسىمىز ەلميرا سىزدىقوۆانى دا قولا مەدالىمەن قۇتتىقتايمىز»، - دەدى سپورت كۇنىنە ارنالعان بريفينگتە ن. سۋحورۋكوۆا.

ونىڭ ايتۋىنشا، 25 -تامىزدا مۇز ايدىنىندا ۇلكەن مەرەكەلىك باعدارلاما ازىرلەنۋدە. «بۇل شوۋ- كورسەتىلىم، بۇل وليمپيادا ويىندارى قاتىسۋشىلارىن قۇتتىقتاۋ. ەشكىمدى ەلەۋسىز قالدىرمايمىز. ەلميراعا ءبىر بولمەلى پاتەر تارتۋ ەتەمىز. بۇل قاراعاندى وبلىسى كۇرەس فەدەراتسياسىنىڭ سىيلىعى»، - دەپ اتاپ ءوتتى سپورت باسقارماسىنىڭ باسشىسى.

ول ريوداعى وليمپياداعا 11 قاراعاندىلىق قاتىسقانىن اتاپ ءوتتى. «سپورتتىڭ اتى - سپورت. ۇنەمى جەڭىس تۇعىرىنان كورىنۋ بولا بەرمەيدى، جەڭىلىس تە، ۇتىس تا بولادى»، - دەپ قوستى ن. سۋحورۋكوۆا.

ەلميرا سىزدىقوۆا - ءا. مولداعۇلوۆا اتىنداعى بالالار سپورتىندا دارىندىلارعا ارنالعان ينتەرناتتىڭ تاربيەلەنۋشىسى. ق ر ايەلدەر كۇرەسى بويىنشا حالىقارالىق سىنىپتاعى سپورت شەبەرى. 2011 -جىلعى جاستار اراسىنداعى الەم چەمپيوناتىنىڭ قولا جۇلدەگەرى. 2012 -جىلعى جاستار اراسىنداعى ازيا چەمپيونى، 2014 -جىلعى ازيا چەمپيوناتىنىڭ قولا جۇلدەگەرى، 2015 جانە 2016 -جىلدارداعى ازيا چەمپيوناتىنىڭ كۇمىس جۇلدەگەرى.

جەكە باپكەر - ۆلاديسلاۆ سۋتورمين.

قاراعاندىعا ەلميرا 10 -جىل بۇرىن س ق و- دان كەلگەن. بۇعان وليمپيادالىق رەزەرۆتىڭ بالالار- جاسوسپىرىمدەر مەكتەبىنىڭ باسشىسى ونىڭ اعاسى رايىمبەك سىزدىقوۆ ىقپال ەتتى.

ەسكە سالساق، قازاقستاندىق ەلميرا سىزدىقوۆا جارىستا مىسىرلىق ەناس مۇستافانى 7.4 ەسەبىمەن ۇتىپ، وليمپيادانىڭ ءۇشىنشى ورنىن يەلەندى. 62 كەلىگە دەيىنگى سالماق ساناتىندا ءبىرىنشى ورىندى جاپوندىق سارا دوسو، ەكىنشى ورىندى - رەسەيلىك ناتاليا ۆوروبيەۆا يەلەنگەن بولاتىن.

   

 

 

 

سوڭعى جاڭالىقتار