حالىقارالىق اۋەسقوي بوكس قاۋىمداستىعى ليەۆيت- تيشەنكو جەكپە- جەگىنە قازىلىق جاساعان تورەشىنى وليمپيادادان شەتتەتتى
سونىمەن بىرگە ليەۆيت- تيشەنكو، مايكل كونلان مەن ۆلاديمير نيكيتين جەكپە- جەگىنە قازىلىق جاساعان تورەشى - يرلانديالىق مايكل گاللاحەر دا بار، دەپ حابارلايدى «Fightnews»
ايتا كەتەيىك، وسىعان دەيىن AIBA وليمپيادادا قاتەلىك جاساعان تورەشىلەردى جارىستان شەتتەتتىنىن حابارلاعان بولاتىن. ءبىراق ولاردىڭ قاتەلىگىنەن كەتكەن بوكس جەكپە- جەكتەرىنىڭ قورىتىندىسى وزگەرىسسىز قالاتىنىن مالىمدەگەن- ءدى.
ەسكە سالا كەتەيىك، سوڭعى بىرنەشە كۇن بويى وليمپيادالىق بوكستا بىردەن ەكى داۋ تۋىندادى جانە ەكەۋى دە رەسەيلىك بوكسشىلاردىڭ پايداسىنا شەشىلدى. اۋەلى تورەشىلەر جەڭىستى قازاقستاندىق ۆاسيلي ليەۆيتكە ەمەس، ەۆگەني تيشەنكوعا بەردى، ودان كەيىن ۆلاديمير نيكيتين يرلاندتىق مايكل كونلاننان كۇشتىرەك دەپ سانادى.
بۇدان كەيىن قازاقستاندىق بوكس فەندەراتسياسى AIBA ەرەجەلەرى بويىنشا، تورەشىلەر شەشىمىنە قارسى شاعىم بەرە المايدى جانە ق ب ف حالىقارالىق بوكس قاۋىمداستىعىنىڭ مۇشەسى رەتىندە بۇل ەرەجەلەردى ساقتاۋعا مىندەتتى، دەپ اتاپ ءوتتى.
ايتا كەتەيىك، قازاقستاندىقتار بوكسشىنىڭ كۇمىس مەدالىن وليمپيادالىق «التىنمەن» باعالاۋدى جانە وليمپيادا چەمپيوندارى دەڭگەيىندە سىياقى تولەۋدى ۇسىندى. بۇگىن فەدەراتسيا وسى باستامانى قاپەرگە العانى بەلگىلى بولدى.
«ۆاسيلي ليەۆيت وليمپيادالىق رينگتەگى فينالدىق جەكپە- جەگىندە كورنەكتى ناتيجە كورسەتتى، جەڭىسكە دەگەن ەركىن ءبىلدىردى جانە ول وليمپيادالىق كۇمىس مەدالعا يە بولسا دا، وعان مەملەكەت 150 مىڭ دوللار سىياقى تولەيدى، قازاقستاندىق بوكس فەدەراتسياسىنىڭ بوكس فەدەراتسياسىنىڭ پرەزيدەنتى ت. قۇلىبايەۆتىڭ شەشىمىمەن بۇل سوماعا تاعى ءجۇز مىڭ دوللار قوسا تولەنەدى، ءسويتىپ، ليەۆيتتىڭ سىياقىسى «التىنعا» تەڭەلەدى»، دەپ حابارلادى ق ب ف.
