ادىلبەك نيازىمبەتوۆ وليمپيادانىڭ ەكى دۇركىن كۇمىس جۇلدەگەرى اتاندى- فوتو

 ريو- دە- جانەيرو. قازاقپارات - برازيليانىڭ ريو- دە- جانەيرو قالاسىندا ءوتىپ جاتقان وليمپيادا ويىندارىندا بۇگىن شارشى الاڭعا شىققان 81 كەلىدەگى ادىلبەك نيازىمبەتوۆ فينالدا كۋبالىق بوكسشى حۋليو سەسار لا كرۋسقا جول بەرىپ، ريو وليمپياداسىنىڭ كۇمىس جۇلدەگەرى اتاندى،
None
None

 دەپ حابارلايدى ريوداعى قازاقپارات ءتىلشىسى.

 وسىلايشا قازاق بوكسشىسى ەكى دۇركىن وليمپيادانىڭ كۇمىس جۇلدەگەرى اتاندى. بۇل وليمپيادا تاريحىنداعى قاتارىنان ەكى رەت فينالعا شىققان ەكىنشى بوكسشىمىز. وسىعان دەيىن بولات ءجۇمادىلوۆ ەكى بىردەي وليمپيادانىڭ فينالىنا شىعىپ، ەكى مارتە كۇمىس جۇلدەگەر اتانعان بولاتىن.

 مىنە، بۇگىن ادىلبەك سول اعاسىنىڭ ەرلىگىن قايتالادى.

 ەستەرىڭىزگە سالا كەتەيىك، وسىعان دەيىن ۆاسيليي ليەۆيت ريو وليمپياداسىنىڭ كۇمىس جۇلدەگەرى اتانسا، كەشە دانيار ەلەۋسىنوۆ 69 كەلى سالماقتا وليمپيادا چەمپيونى اتاندى. ەندى بوكسشىلارىمىزدان ءبىر عانا بوكسشى جارىس جولىندا قالدى. ول - اسا اۋىر سالماقتاعى يۆان دىچكو. بۇيىرسا، وليمپيادا ويىندارىنىڭ سوڭعى كۇنى ول دا قورجىنىمىزعا مەدال سىيلايدى دەگەن ۇمىتتەمىز.

اۆتور: كۇنسۇلتان وتارباي

سۋرەتتەردى تۇسىرگەن دانيار مايلىبايەۆ













سوڭعى جاڭالىقتار