سولتۇستىك كورەيادان شىققان وليمپيادا چەمپيونى ەڭ كوڭىلسىز سپورتشى اتاندى - فوتو، كەسكىن

ول سۇيەۋىش ارقىلى سەكىرۋ بويىنشا چەمپيون اتاندى. ول ءوزى جەڭىسىن ماراپاتتاۋ ساتىندە كۇلمەك تۇگىلى جىميعان دا جوق. وليمپيادا تاريحىندا سولتۇستىك كورەيا سپورتشىلارى اراسىنان ول ءۇشىنشى ادام التىن مەدال الىپ وتىرعان. ماراپاتتاۋ ءراسىمى كەزدە چەمپيوندىق القاسىن موينىنا تاققان سپورتشى كوز جاسىن ارەڭ تىيدى. ال ونىڭ ءجۇزى وتە رەنجۋلى كورىندى.
سپورتشى
بۇل تۋرالى Daily Mail جازدى.
جۋرناليستەرگە بەرگەن سۇحباتىندا سپورتشى قايتا ءوز كوسەمى كيم چەن ىنۋگە جەڭىس سىيلاعانىنا قۋانىشتا بولعانىن ايتقان. Daily Mail جۋرناليستەرى سپورتشىنىڭ كوڭىلسىزدىگىن، ەركىندىكتى سەزىنىپ قالعاندىقتان پحەنيانعا قايتۋدى ويلاپ كوڭىلى ءتۇسىپ تۇر دەپ بولجاعان.
تۋرا وسى باسەكەدە كۇمىس جۇلدەگەر اتانعان رەسەيلىك سپورتشى دەنيس ابليازين مەن قولا جۇلدەگەن جاپوندىق كەندزو سيرايدىڭ قۋانىشتارى بەتتەرىنە شىعىپ تۇردى. ءبىراق، چەمپيوننىڭ جۇزىندەگى قۋانىش ەمەس كوڭىلسىزدىك جۇرتتىڭ بارلىعىن قايران قالدىردى.
جۋرناليستەردىڭ كوڭىلسىز سپورتشىنىڭ وتانىنا ورالۋدى ويلاپ تۇرعانى جايلى بولجامى تۇسىنىكتى جايت. سولتۇستىك كورەيا سپورتشىلارى وليمپيادا ويىندارىنا قاتىسقانىمەن قاتاڭ باقىلاۋدا. ءتىپتى جاقىندا عانا ولارعا سىيلىققا بەرىلگەن ۇيالى تەلەفونداردى دا جيناپ العان. سەبەبى ەل بيلىگىندەگىلەر سپورتشىلاردىڭ سىرتقى ورتامەن بايلانىس ۇستاۋىنان قورقادى ەكەن.
وڭتۇستىك كورەيالىق كومپانيانىڭ ءبىرى وليمپيادا ويىندارىنىڭ سالتاناتتى اشىلۋى كەزىندە 11 200 سپورتشىعا دەمەۋشى رەتىندە وزدەرىنىڭ جاڭا سمارتفوندارىن سىيعا تارتقان بولاتىن. سولتۇستىك كورەيانىڭ وليمپيادالىق كوميتەتى ءوز سپورتشىلارىنا سمارتفونداردى ۇستاۋعا، وزگە سپورتشىلارمەن ارالاسۋعا، قالادا ساياحات جاساۋعا دەيىن تىيىم سالدى.
سپورتشىنى ماراپاتتاۋ ءراسىمى.