نادجيت راحيموۆ وليمپيادادا جەڭىسكە جەتكەننەن كەيىن ساقالىن قىرىپ تاستادى - فوتو

استانا. قازاقپارات - ريو وليمپياداسىنىڭ اۋىر اتلەتيكادان چەمپيونى نيدجات راحيموۆتى بۇگىن جانكۇيەرلەرى تانىماي قالدى.
None
None

ول ءوزىنىڭ ينستاگرام جەلىسىندەگى پاراقشاسىنا جاڭا وبرازداعى سۋرەتىن جۇكتەپ «بۇگىن قازاقستانعا ۇشامىز. جارىستىڭ اياقتالعانىنا قۋانىشتىمىن. بارشاڭىزعا ساتتىلىك» دەپ جازعان.

ال جەلى قولدانۋشىلارىنىڭ ءبىرازى سپورتشىنى سالتاناتتى تۇردە كۇتىپ الۋعا قاتىساتىندارىن جازعان. ءبىراز ادام نيدجاتتىڭ سۋرەتىنە قاراپ ءتىپتى ونى تانىماي قالعاندارىن جاسىرماعان. ال تاعى بىرنەشە ادام سپورتشىعا ساقالسىز سۇيكىمدى ءارى جاس كورىنەتىنىن جەتكىزگەن.

ال سپورتشىنىڭ باپكەرلەرى جۋرناليستەرگە بەرگەن سۇحباتىنا ونىڭ مۇنداي قادامعا بارۋىنا ەشكىمنىڭ ىقپالى نەمەسە تالابى بولماعانىن ايتقان. سونداي-اق، ول نيدجات راحيموۆتىڭ اياقاستى قابىلداعان شەشىمى بولار دەيتىندەر دە بار.

ەستە بولسا، 77 كەلىدە ەرلەر اراسىندا ونەر كورسەتكەن اۋىر اتلەتىمىز نيدجات راحيموۆ ريو وليمپياداسىنىڭ التىنىن جەڭىپ العان ەدى.

نيدجات جۇلقا كوتەرۋ سايىسىن 165 كەلىمەن ءۇشىنشى بولىپ اياقتاعان ەدى. ال وسى سايىستا 177 كەلى زىلتەمىردى كوتەرىپ، جەرلەسىمىزدەن 12 كەلىگە اسىپ كەتكەن بولاتىن.

الايدا، سەرپە كوتەرۋدە قازاقستاندىق سپورتشىنىڭ جۇلدىزى جانىپ، 214 كەلىنى باسىنان اسىرىپ، باستى قارسىلاسىنان ريو وليمپياداسىنىڭ التىنىن تارتىپ الدى. ءسويتىپ، قوسسايىستىڭ قورىتىندىسى بويىنشا 379 (165+214) كەلى ناتيجە كورسەتتى.

قىتايلىق لۋي سياۋجيۋن 202 كەلىدەن ارتىق كوتەرە المادى.

 алтын

سوڭعى جاڭالىقتار