عالىمدار ادامداردىڭ نەلىكتەن ۇيىقتاپ جاتىپ سويلەيتىنىن انىقتادى

استانا. قازاقپارات - كەي ادامنىڭ ۇيىقتاپ جاتىپ سويلەيتىن كەزدەرى بولادى. الايدا ءالى كۇنگە دەيىن ونىڭ سەبەبىن ءدوپ باسىپ ەشكىم ايتا الماعان.

مامانداردىڭ ايتۋىنشا، ەرەسەكتەرگە قاراعاندا ۇيقىداعى بالالاردىڭ سويلەۋى ءجيى ۇشىراسادى. بالالار كۇنى بويى ءتۇرلى ەموتسيانى باستان كەشىرىپ، سودان العان اسەرلەرىمەن ۇيقى كەزىندە بولىسەدى ەكەن. ياعني ميدىڭ قوزۋى سويلەۋ ورتالىقتارىن ىسكە قوسادى.

ەرەسەك ادامدار بالالارمەن سالىستىرعاندا ۇيقى ۋاقىتىندا ەداۋىر از سويلەيتىن بولىپ شىقتى. ماماندار ەرەسەكتەردىڭ ۇيقى كەزىندەگى اڭگىمەسىن ەكىگە بولەدى: ۇيقىعا ەندى باتقان كەزدەگى جانە قاتتى ۇيقىدا جاتقان كەزدەگى سويلەۋ.

عالىمداردىڭ سوزىنە سۇيەنسەك، ۇيقى كەزىندە سويلەۋدىڭ ەش زياندىلىعى جوق. اعزا ءۇشىن دە قاۋىپ تۋعىزبايتىن بۇل قۇبىلىس ادامنىڭ كۇنى بويى باستان كەشىرگەن ەموتسيالىق سەزىمدەرىنەن تۋادى.

الايدا كەي جاعدايلاردا ۇيقى كەزىندە سويلەۋ بەلگىلى ءبىر اۋرۋلاردىڭ (مىسالى، ەپيلەپسيا اۋرۋى) بەلگىسى بولۋى مۇمكىن.

Stan.kz