ريو- دە- جانەيرودا ەۋروپا وليمپيادالىق كوميتەتتەرىنىڭ باسشىسى تۇتقىندالدى

71 جاستاعى ح و ك مۇشەسىنە قىمبات باعامەن بيلەت ساتاتىن الىپساتارعا وليمپيادا بيلەتتەرىن زاڭسىز بەردى دەگەن ايىپ تاعىلىپ وتىر. ءبىر كۇن بۇرىن ريودا بيلەت ساتۋعا ەش قۇقىعى جوق وليمپيادانىڭ 800 بيلەتى بار ەر ادام ۇستالعان ەدى، دەپ حابارلايدى BBC.
پوليتسيا مالىمدەمەسىنە سايكەس، يرلانديانىڭ ۇلتتىق وليمپيادالىق كوميتەتىن باسقاراتىن حيكي تۇتقىنداۋ كەزىندە قاشۋعا تىرىسقان.
تۇتقىنداۋدان كەيىن حيكي ءوزىن جايسىز سەزىندى، وعان مەديتسينالىق كومەك كورسەتىلدى.
برازيليالىق ب ا ق اقپاراتى بويىنشا، حيكيدىڭ تۇتقىندالۋى مەن وليمپيادا اشىلۋىندا كەۆين دجەيمس مەللوننىڭ ۇستالۋى اراسىندا بايلانىس بار سەكىلدى.
مەللون وليمپيا بيلەتتەرىن زاڭسىز الىپ- ساتاتىن THG Sports كومپانياسىن باسقاردى. كومپانيا بۇل قۇقىق بۇزۋشىلىقتى مويىنداعان جوق.
ەۋروپا وليمپيادالىق كوميتەتى - ەۋروپانىڭ ونداعان ۇلتتىق وليمپيادالىق كوميتەتىن بىرىكتىرەتىن حالىقارالىق وليمپيادالىق ۇيىم.