ەرلان ىدىرىسوۆ ق ر پرەزيدەنتىنىڭ الداعى حالىقارالىق ساپارلارىنىڭ كەستەسىن جاريا ەتتى

«ءبىزدىڭ پرەزيدەنتتىڭ حالىقارالىق باعدارلاماسىنداعى جۇمىسى وتە تىعىز. وسى رەتتە پولشاعا، سەربياعا ساپارلار جوسپارلانعان، سونىمەن قاتار ءبىز قىركۇيەكتە قىتايداعى G20 سامميتىنە شاقىرىلدىق.
بۇدان بولەك، ەلباسى كۇزدە جاپونياعا، كورەياعا ساپارلايدى، سونداي- اق ازەربايجان مەن ارمەنياعا، ساۋد ارابياسى كورولدىگىنە جانە يوردانياعا بارادى.
مۇنىمەن قوسا، باسقا دا شارالار وتكىزىلەدى. قىركۇيەكتىڭ ورتا كەزىندە ءبىز ت م د- نىڭ 25 -جىلدىعىن اتاپ وتپەكپىز»، - دەدى مينيستر ەلىمىزدەگى شەتەل ديپلوماتيالىق كورپۋسى وكىلدەرىنە ارنالعان برفينگتە.
ە. ىدىرىسوۆتىڭ ايتۋىنشا، 2017-2018 -جىلدارى قازاقستان ب ۇ ۇ قاۋىپسىزدىك كەڭەسىندە تۇراقتى ەمەس مۇشەلىگىندە وزىنە جاۋاپكەرشىلىكتى الۋعا بايىپپەن دايىندالۋدا.
وسى ورايدا مۇشەلىك بويىنشا كەشەندى جوسپار ازىرلەنىپ جاتىر. «ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە قازاقستاننىڭ سايلانۋىنا وتە قۋانىشتىمىز. بۇل تۇرعىدا سىزدەردىڭ قولداۋلارىڭىزعا، ىنتىماقتاستىق جۇمىستارىڭىزعا ۇلكەن العىسىمىزدى ايتامىز»، - دەدى مينيستر ەلىمىزدەگى شەتەل ديپلوماتيالىق كورپۋسى وكىلدەرىنە قاراتىپ ايتقان سوزىندە.