وليمپيادان كەيىن قازاقستاننىڭ اۋىر اتلەتتەرى ءبىر جىلعا جارىسقا قاتىسۋ قۇقىعىنان ايىرىلادى

 استانا. قازاقپارات - حالىقارالىق اۋىر اتلەتيكا فەدەراتسياسى (IWF) ريو- دە- جانەيروداعى وليمپيادا اياقتالعاننان كەيىن رەسەي، قازاقستان، بەلارۋس اۋىر اتلەتيكا فەدەراتسياسىن ءبىر جىلعا جارىسقا قاتىسۋ قۇقىعىنان ايىرادى،
None
None

 IWF باسشىسى تاماش ايان وسىلاي مالىمدەدى. بۇل تۋرالى رەسەيلىك ر ي ا نوۆوستي اگەنتتىگى حابارلادى.

«ريوداعى وليمپيادادان كەيىن ءبىرقاتار ەلدەردىڭ مۇشەلىگىن توقتاتامىز. وعان كەپىلدىك بەرەمىن. ولار رەسەي، قازاقستان، بەلارۋس، - دەپ ءمالىم ەتتى IWF باسشىسى. - قايتا تالداۋ اياقتالعان جوق، اقپارات كۇتىپ وتىرمىن، تاعى بىرنەشە ەل جارىستان شەتتەتىلۋى مۇمكىن. ونى قىركۇيەكتىڭ اياعىندا نەمەسە قازاندا مالىمدەيمىز».

 IWF اتقارۋشى كوميتەتى 22 - ماۋسىمدا سپورتشىلارى دوپينگ قولدانعان ەلدەر فەدەراتسياسىن قايتا تەكسەرگەننەن كەيىن 2008 جانە 2012 - جىلعى وليمپيادالاردا ءۇش نەمەسە ودان كوپ دوپينگ سىناما وڭ كورسەتكىش بەرگەن جاعدايدا، ءبىر جىلعا جارىسقا قاتىسۋ قۇقىعىنان ايىراتىن قاۋلى قابىلدادى. وعان رەسەي، قازاقستان، بەلارۋس ىلىگۋى ىقتيمال.

سوڭعى جاڭالىقتار