10:54, 17 - تامىز 2016 | GMT +5
سيريالىق قالانىڭ يسلام مەملەكەتىنەن ازات ەتىلگەن تۇرعىندارى ساقالدارىن قىرىپ، نيكابتارىن ورتەدى
ءابۋ- دابي. قازاقپارات - سيريالىق مانبيدج قالاسىنىڭ يسلام مەملەكەتى سودىرلارىنان ازات ەتىلگەن تۇرعىندارى ساقالدارىن الىپ، نيكابتارىن ورتەدى.
ارابتاردىڭ ب ا ق حابارلاماسىنا سايكەس قالانىڭ جۇزدەگەن تۇرعىندارى «يسلام مەملەكەتىنەن» ازات ەتىلۋىن مەرەكەلەپ، ۇزىن ساقالدارىن قىرىقتى، سيريالىق ايەلدەر نيكابتارىن ورتەدى.
ەسكە سالساق، 12 - تامىزدا ا ق ش باسشىلىعىمەن حالىقارالىق كواليتسيا مانبيدج قالاسىن «يسلام مەملەكەتىنىڭ» سودىرلارىنان ازات ەتكەنىن جاريالاعان.
ا ق ش قورعانىس حاتشىسى ەش كارتەردىڭ ايتۋىنشا، قالانى ازات ەتۋ ي م- عا قاتىستى ناۋقاندا ماڭىزدى قادام بولىپ تابىلادى. قالانىڭ ستراتەگيالىق ماڭىزى بار.
