10:21, 17 - تامىز 2016 | GMT +5
قىتايدا بالالاردى ساتقان ايەل ءولىم جازاسىنا كەسىلدى
استانا. قازاقپارات - قىتايدا بالالار ساۋداسىمەن اينالىسقانى ءۇشىن سوتتالعان ايەل ءولىم جازاسىنا كەسىلدى. بۇل تۋرالى ت ا س س- قا سىلتەمە جاساپ 24.kz حابارلايدى.

حۋان تسينحەن بالالاردى ساتۋمەن اينالىساتىن حالىقارالىق قىلمىستىق توپتىڭ مۇشەسى بولعان. قىلمىسكەرلەر سابيلەردى جاسىرىن تۇردە ۆەتنامنان الىپ كەلىپ جۇرگەن، كەيدە ولار كەيىننەن بالالارىن الىپ قويۋ ءۇشىن اياعى اۋىر ايەلدەردى دە تاسىمالداعان.
تەرگەۋ بارىسىندا پوليتسيا قىزمەتكەرلەرى تۋعانىنا 10 كۇن بولعان جانە 7 ايلىق 11 ءبۇلدىرشىندى قۇتقاردى. ولاردىڭ 10 ى ۆەتنامعا قايتارىلدى. ال قىلمىستىق توپتىڭ قالعان 20 دان استام مۇشەسى سوت الدىندا جاۋاپ بەرىپ، ولاردىڭ ءبىرازىنا ءومىرىنىڭ سوڭىنا دەيىن تۇرمەدە وتكىزۋ تۋرالى ۇكىم شىعارىلدى.