نۇرسۇلتان نازاربايەۆ: قازاقستان مەن رەسەي قاتىناسى ۇلگى بولارلىقتاي

نۇرسۇلتان نازاربايەۆ پەن ۆلاديمير پۋتين الداعى G20 سامميتى، ت م د مەملەكەتتەرى باسشىلارىنىڭ كەڭەسى، ءوڭىرارالىق ىنتىماقتاستىقتىڭ قازاقستاندىق- رەسەيلىك فورۋمى اياسىنداعى كەزدەسۋلەرگە دايىندىق بارىسىن قارادى.
مەملەكەت باسشىسى ۆ. پۋتينگە رەسەي وڭىرلەرىن دامىتۋعا ونىڭ كۇش سالعانىن اتاپ ءوتىپ، سوچيگە شاقىرعانى ءۇشىن العىس ءبىلدىردى. ن. نازاربايەۆ ەكىجاقتى ىنتىماقتاستىقتىڭ قارقىنىنا كوڭىلى تولاتىنىن جانە قازاقستاننىڭ ونى ودان ءارى جىلجىتۋ بويىنشا ۇمتىلىسىن اتاپ ءوتتى.
- ءبىزدىڭ قارىم- قاتىناسىمىز ساياسي تۇرعىدان دا، ەكونوميكالىق تۇرعىدان دا ۇلگى ەتۋگە لايىق دەپ سانايمىن. وسى جىلدارى قازاقستان مەن رەسەيدىڭ 6 مىڭ بىرلەسكەن كاسىپورنى قۇرىلىپ، ينتەگراتسيامىزدىڭ ومىردە ناقتى ىسكە اسقانىن كورسەتتى. الداعى قازاقستان- رەسەي ءوڭىرارالىق ىنتىماقتاستىق فورۋمىنا ۇلكەن ءۇمىت ارتامىن. ونىڭ ەكونوميكالىق تۇرعىدان ماڭىزدى كەزدەسۋ ەكەنىن بىلەمىن، وسىعان وراي كوپتەگەن جوبالار ازىرلەنۋدە. قازىرگى ماسەلەلەر ءبىزدىڭ ۇكىمەتتەرىمىز ارقىلى شەشىمىن تابۋدا. ەلدەرىمىزدىڭ مىندەتى - وسىنداي قيىن جاعدايدا ءاردايىم بىرگە بولۋ جانە ءبىر- بىرىمىزگە كومەكتەسۋ. دوستىق، ىنتىماقتاستىق مەن ءوزارا كومەك تۋرالى شارتقا جانە 21 -عاسىرداعى تاتۋ كورشىلىك پەن وداقتاستىق تۋرالى شارتقا نەگىزدەلگەن قازاقستان- رەسەي قارىم- قاتىناسى تۇراقتى بولىپ قالا بەرەدى. قازاقستان مەن رەسەي سەنىمدى كورشى ءارى ارىپتەس بولىپ سانالادى جانە بارلىق ماسەلەلەردى وركەنيەتتى ەلدەردەگى ۇلگى بويىنشا شەشەدى. رەسەيدىڭ تۇركيامەن قارىم- قاتىناسى جاقسارىپ كەلە جاتقانىنا قۋانىشتىمىن، - دەدى قازاقستان پرەزيدەنتى.
ۆ. پۋتين قازاقستان پرەزيدەنتىنىڭ رەسەي- تۇركيا قارىم- قاتىناسىن قالىپقا كەلتىرۋ جولىنداعى قايرات- جىگەرى ءۇشىن العىس ايتىپ، جاعدايدى رەتتەۋدەگى بىتىمگەرلىك ميسسياسىن اتاپ ءوتتى.
- كورىپ وتىرعانىمىزداي، بۇل قادام جەمىستى بولدى. ءبىز كوپتەگەن جىلدار بويى بىرەگەي ىنتىماقتاستىق قارىم- قاتىناسىمىز بەن ءوزارا ءىس- قيمىلىمىز ورنىققان دوستاس تۇركيامەن تولىق فورماتتاعى قارىم- قاتىناستى قالىپقا كەلتىرۋگە رياسىز ۇمتىلىس جاساپ وتىرمىز. تۇركيا پرەزيدەنتى ر. ەردوعاننىڭ رەسەيگە سوڭعى ساپارى ەكىجاقتى بايلانىستاردى قالىپقا كەلتىرۋ عانا ەمەس، ونى دامىتۋ جونىندە دە ءبىزدىڭ تولىققاندى جۇمىس جۇرگىزۋگە نيەتتى ەكەنىمىزدى دالەلدەپ بەردى. سول ءۇشىن سىزگە كوپ راحمەت، - دەدى رەسەي پرەزيدەنتى.
بۇدان بولەك، ۆ. پۋتين قازاقستان مەن رەسەي اراسىنداعى ستراتەگيالىق سەرىكتەستىكتىڭ بارلىق باعىت بويىنشا تابىستى دامىپ كەلە جاتقانىنا نازار اۋداردى.
- ارينە، ءبىز ەكونوميكادا قيىندىقتارعا دا كەزىگىپ تۇرامىز، اسىرەسە الەمدىك شيكىزات نارىعىنداعى تۇراقسىزدىق پەن ۆاليۋتالىق اۋىتقۋ جاعدايىندا تومەندەۋ بايقالۋدا. بۇل رەتتە ناقتى كولەمى جونىنەن ول سونشالىقتى كوپ ەمەس - نەبارى %7. قازىرگى ىنتىماقتاستىق تەتىكتەرى بىزگە ونى ەڭسەرۋگە مۇمكىندىك بەرەدى. ال بىزدە مۇنداي تەتىكتەر ءتيىمدى جۇمىس ىستەۋدە، - دەدى رەسەي پرەزيدەنتى.