ۆلاديمير پۋتين تۇركيامەن قاتىناستى ءوزارا رەتتەۋگە جاردەمدەسكەنى ءۇشىن نۇرسۇلتان نازاربايەۆقا العىس ءبىلدىردى

استانا. قازاقپارات - رەسەي پرەزيدەنتى ۆلاديمير پۋتين قازاقستان پرەزيدەنتى نۇرسۇلتان نازاربايەۆپەن كەزدەسۋدە انكارامەن اراقاتىناستى رەتتەۋگە جاردەمدەسكەنى ءۇشىن العىسىن ءبىلدىردى.
None
None

رەسەي پرەزيدەنتى ۆلاديمير پۋتين قازاقستان كوشباسشىسىمەن كەزدەسۋدە نۇرسۇلتان نازاربايەۆقا تۇركيامەن قاتىناستى قالپىنا كەلتىرۋدە العىس ايتتى، دەپ حابارلادى ر ب ك.

«سىزگە رەسەي- تۇرىك قاتىناستارىن قالپىنا كەلتىرۋدە دەلدالدىق ميسسيا قابىلداۋعا كۇش سالعانىڭىز ءۇشىن العىس بىلدىرگىم كەلەدى. كورىپ وتىرعانىمىزداي، ناتيجەسى تابىستى بولۋدا»، - دەدى پۋتين سوچيدەگى كوشباسشىلارمەن كەزدەسۋ بارىسىندا.

«تۇركيا مەن رەسەيدىڭ قاتىناستارى رەتتەلىپ جاتقانىنا قۋانىشتىمىن»، - دەدى نازاربايەۆ. ونىڭ ايتۋىنشا، رەسەي «سالماقتى حالىقارالىق پروبلەمالاردى شەشۋدە» ماڭىزدى مەملەكەت.

تۇركيا پرەزيدەنتىنىڭ باسپا ءسوز حاتشىسى يبراگيم كالىن بۇدان بۇرىن ن. نازاربايەۆتى ماسكەۋ مەن انكارا قاقتىعىسىن شەشۋدە قۇپيا ديپلوماتيامەن اينالىساتىن ءبىرقاتار «دەلدالداردىڭ» ىشىندە بار ەكەنىن ايتقان. ونىڭ ايتۋىنشا، قازاقستان پرەزيدەنتى داعدارىستى جاعدايدا تۇركيامەن «ۇلكەن دوستىقتى» قولداعان.

 

سوڭعى جاڭالىقتار