ايقاستى سىرتىنان تاعى ءبىر كورۋىم قاجەت - ە. تيشەنكو - كەسكىن

قازاقستاندىق بوكسشى ۆاسيلي لەۆيت پەن ەۆگەني تيشەنكو جۋرناليستەردىڭ سۇراقتارىنا جاۋاپ بەردى.
«تورەلىك جاعىنان ماعان تالاپ قويىلماۋى ءتيىس، جەكپە-جەك سىرتتان قالاي كورىنگەنىن بىلمەيمىن، ەگەر تورەشىلەر سپورتشىلاردى ادىلەتسىز باعالاسا، ۆاسيليگە، قازاقستاندىق كومانداعا، قازاقستاندىق جانكۇيەرلەرگە شىنىمەن وكىنىشتى جاعداي بولعانى. ەگەر ماعان جەڭىستى بەرسە، سۋديالاردا بۇعان دا سەبەپ بولعان بولۋ كەرەك. سىرتتان تون پىشكىم كەلمەيدى، سەبەبى مەن رينگتە بولدىم، سوندىقتان جاعدايعا باعا بەرە المايمىن. جەكپە-جەكتى كورىپ شىعۋىم كەرەك»، - دەدى رەسەيلىك بوكسشى.
ەسكە سالساق، سپورتشىلار 91 كەلىگە دەيىنگى سالماقتا شىقتى. تورەشىلەردىڭ ءبىراۋىزدى شەشىمىمەن ۇپاي سانى بويىنشا جەڭىس 2015 -جىلعى الەم چەمپيونى رەسەيلىك ەۆگەني تيشەنكوعا بەرىلدى. بۇل شەشىمگە نارازىلىق بىلدىرگەن كورەرمەندەر كەلىسپەۋشىلىكتەرىن ءبىلدىرىپ، شۋلاپ كەتتى. «قازاقستان!!!» دەپ ايعايلاعاندار دا بولدى.
قازاقستاندىقتار نارازىلىقتارىن الەۋمەتتىك جەلىلەردە جالعاستىردى.
قازاقستاندىق بلوگەر عايلىم بايتوق فەيسبۋكتەگى پاراقشاسىنا بوكسشىعا ارناپ التىن مەدال دايىنداۋدى ۇسىندى. بلوگەر وسكەمەندەگى ق ر ۇلتتىق بانكتىڭ مونەتالىق اۋىلىمەن اقىلداستى. وسىنداي مەدال ازىرلەۋ تۋرالى باسشىلىعىمەن سويلەستى. مەدال دايىنداۋ قۇنى شامامەن - 1 ميلليون تەڭگە.
ءوز كەزەگىندە، الەمدىك ب ا ق سۋديا شەشىمىمەن كەلىسپەۋدە. Washington Post باسىلىمىنىڭ پىكىرىنشە، سۋديالار القاسىنىڭ ءبىرجاقتى شەشىمىمەن تيشەنكو جەڭىمپاز اتاندى.