ب ۇ ۇ قاۋىپسىزدىك كەڭەسىنە مۇشە بولۋ ارقىلى قازاقستان ورتالىق ازياداعى قاۋىپسىزدىكتى نىعايتۋدىڭ كەپىلىنە اينالادى
ايتا كەتەرلىگى، ب ۇ ۇ كەڭەسىنە سايلانۋى ارقاسىندا قازاقستان رەسپۋبليكاسى 2017 -جىلدىڭ 1 - قاڭتارىنان باستاپ 2018 -جىلدىڭ 31 - جەلتوقسانىنا دەيىن ازيا- تىنىق مۇحيتى ايماعى مەملەكەتتەرى اتىنان بۇۇ ساياسي ورگانىنىڭ اسا ماڭىزدى جۇمىسىنا رەسمي تۇردە قاتىساتىن بولادى، وعان ۇيىمنىڭ جارعىسىمەن جاھاندىق بەيبىتشىلىك پەن قاۋىپسىزدىكتى ساقتاۋ بويىنشا وكىلەتتىكتەر جۇكتەلەدى.
«بۇل - قازاقستاننىڭ تۇڭعىش پرەزيدەنتى، ەلباسى نۇرسۇلتان نازاربايەۆتىڭ بەيبىتشىلىكسۇيگىش سىندارلى سىرتقى ساياساتىنىڭ سالتاناتتى جەڭىسى! بۇل بارشا قازاقستاندىقتاردىڭ جەڭىسى! قازاقستاننىڭ بۇۇ قاۋىپسىزدىك كەڭەسىنە مۇشە بولىپ سايلانۋى - ەلىمىزدىڭ حالىقارالىق جوعارى بەدەلىنىڭ ايشىقتى ايعاعى، ونىڭ حالىقارالىق قاۋىپسىزدىكتى جانە مەملەكەتارالىق قاتىناستارداعى سەنىم شارالارىن نىعايتۋعا قوسقان ۇلەسىنىڭ باعالانۋى. قارۋسىزدانۋ ساياساتىنىڭ ەتالونى بولعان قازاقستاننىڭ جانە ونىڭ كوشباسشىسىنىڭ سەمەي يادرولىق پوليگونىن جابۋ، يادرولىق قارۋدان ءوز ەركىمەن باس تارتۋ باستاماشىل بەيبىتشىل يدەيالارى حالىقارالىق قوعامداستىقتا قولداۋعا يە بولدى. قازاقستاننىڭ ازياداعى ءوزارا ءىس- قيمىل جانە سەنىم شارالارى جونىندەگى كەڭەس شاقىرۋ تۋرالى باستاماسى، ەۋروپاداعى قاۋىپسىزدىك جانە ىنتىماقتاستىق ۇيىمىنا ءتوراعالىق ەتۋى، ورتالىق ازيادا يادرولىق قارۋدان ازات ايماق قۇرۋ، ءقاۋىپسىز جاڭا الەم مەن ادىلەتتىلىككە باعىتتالعان G-global باستاماسى قازاقستاندى بەيبىتشىل باستامالار مەن بۇكىل الەمدەگى سەنىم اتموسفەراسىن قالىپتاستىرۋشى كوشباسشى رەتىندە تانىتتى. حالىقارالىق قوعامداستىقتى يادروسىز الەم قۇرۋعا، كەز كەلگەن سوعىس ءتۇرىن بولدىرماي، ونىڭ الدىن الۋعا شاقىرعان ا ق ش- عى يادرولىق قاۋىپسىزدىك جونىندەگى سامميتتە جاريالانعان قازاقستان رەسپۋبليكاسى پرەزيدەنتىنىڭ «الەم. 21-عاسىر» مانيفەسى ب ۇ ۇ- نىڭ رەسمي قۇجاتىنا اينالدى» ، - دەلىنگەن ۇندەۋدە.
