قازاقستان رەسپۋبليكاسى سىرتقى ىستەر ءمينيسترىنىڭ نيۋ- يورككە ساپارى اياقتالدى
ق ر س ءى م باسپا ءسوز قىزمەتىنىڭ حابارلاۋىنشا، قازاقستاننىڭ ب ۇ ۇ قاۋىپسىزدىك كەڭەسىنىڭ 2017-2018 -جىلدارعا تۇراقتى ەمەس مۇشەسى بولىپ سايلانۋى - ساپاردىڭ ماڭىزدى وقيعاسى بولدى. قازاقستاننىڭ كانديداتۋراسىنا داۋىس بەرۋگە قاتىسقان ب ۇ ۇ- عا مۇشە 193 مەملەكەتتىڭ 138 قولدادى (قارسىلاسىمىز تايلاندقا 55 مەملەكەت داۋىس بەردى) . ە. ىدىرىسوۆ قازاقستاندىق ءوتىنىمىن ماقۇلداۋدا پرەزيدەنت نۇرسۇلتان نازاربايەۆتىڭ ونى بەلسەندى ىلگەرىتۋى، سونداي- اق بۇۇ باس اسسامبلەياسىنىڭ 70- سەسسياسى بارىسىندا ۇسىنىلعان باعدارلامالىق باستامالارى شەشۋشى ءرول اتقارعانىن اتاپ ءوتتى.
«قازاقستان ءۇشىن بۇل تاريحي كۇن. ءبىزدىڭ ەلىمىز ب ۇ ۇ جارعىسى بويىنشا عالامدىق قاۋىپسىزدىك پەن بەيبىتشىلىكتى ساقتاۋعا وكىلەتتەنگەن ەڭ ماڭىزدى ساياسي ورگاننىڭ قۇرامىنا تاريحتا ءبىرىنشى بولىپ سايلانعان ورتالىق ازيانىڭ مەملەكەتى بولدى. وسى ناتيجە - حالىقارالىق دەڭگەيدەگى قازاقستاننىڭ جانە مەملەكەت باسشىسى نۇرسۇلتان نازاربايەۆتىڭ جەكە تۇلعاسىنىڭ بيىك بەدەلىنىڭ، ونىڭ عالامدىق جانە وڭىرلىك ماسەلەلەردى رەتتەۋگە، يادرولىق قارۋسىزدانۋ مەن تاراتپاۋ ماسەلەلەرىن ىلگەرىلەتۋگە قوسقان بىرەگەي ۇلەسىنىڭ جارقىن كۋالىگى» ، - دەدى، وسىعان وراي، ە. ىدىرىسوۆ.
ءمينيستردىڭ ايتۋىنشا، قازاقستاننىڭ وسىنداي اسا كورنەكتى تابىسقا تاۋەلسىزدىگىمىزدىڭ 25-جىلدىعى، سونداي- اق قازاقستاننىڭ ديپلوماتيالىق قىزمەتى كۇنى (2 - شىلدە) اياسىندا قول جەتكىزۋدىڭ سيمۆولدىق ءمانى بار.
داۋىس بەرۋدىڭ قورىتىندىسى بويىنشا ق ر سىرتقى ىستەر ءمينيسترى قازاقستان تاراپىنان ءوتىنىمىزدى قولداعان بارلىق دەلەگاتسيالارعا شىنايى العىسىن ءبىلدىردى جانە بارلىق كانديدات مەملەكەتتەردىڭ شىن، اشىق كامپانيالارىنا جوعارى باعا بەردى. ە. ىدىرىسوۆتىڭ ايتۋىنشا، قازاقستاندىق ديپلوماتيا ب ۇ ۇ قك- گە الداعى مۇشەلىكتى قاۋىپسىزدىك پەن بەيبىتشىلىك، قارۋسىزدانۋ، تەرروريزمگە قارسى كۇرەس، وڭىرلىك داۋلاردى رەتتەۋ ماسەلەلەرىن شەشۋگە جانە ورنىقتى دامۋدىڭ ماقساتتارىن جۇزەگە اسىرۋعا ۇلەسىمىزدى ەڭ جوعارعى عالامدىق دەڭگەيدە قامتاماسىز ەتۋ ءۇشىن پايدالانۋعا نيەت ءبىلدىردى.
قازاقستان ب ۇ ۇ ق ك تۇراقتى ەمەس مۇشەسى بولۋعا ءوز كانديداتۋراسىن ۇسىنۋدى العاش رەت 2010 -جىلى ماۋسىمدا جاريا ەتتى. سول ۋاقىتتان باستاپ قازاقستاندىق ديپلوماتتار ءوتىنىمىزدىڭ تاجىريبەلىك ءمانى مەن نەگىزدەمەسىن حالىقارالىق قوعامعا جەتكىزۋ، مۇشە مەملەكەتتەردىڭ مەيلىنشە اۋقىمدى توبىنىڭ قولداۋىن الۋ بويىنشا ءبىرىزدى جۇمىستار اتقاردى.
قازاقستان ءوزىنىڭ ب ۇ ۇ ق ك شەڭبەرىندە اتقاراتىن جۇمىسىنىڭ ءتورت باسىم باعىتىن بەلگىلەدى: يادرولىق، ەنەرگەتيكالىق، سۋ جانە ازىق- تۇلىك قاۋىپسىزدىگى. وسى باسىمدىقتاردى الەمنىڭ كوپجاقتى ديپلوماتيانىڭ ەڭ باستى الاڭىندا ىلگەرىتە وتىرىپ، قازاقستان قاۋىپسىزدىك كەڭەسكە، جالپى بۇۇ- عا مۇشەلىك ەتەتىن بارلىق ارىپتەستەرىمەن وتە تىعىز ءىس- قيمىل جاساۋعا نيەت ءبىلدىردى.
قاۋىپسىزدىك كەڭەستىڭ تۇراقتى ەمەس مۇشەسى رەتىندە استانا بۇكىل ورتالىق ازيانىڭ مۇددەلەرىن دە وسى الاڭدا كورسەتەتىن بولادى جانە ءوڭىر ءۇشىن ماڭىزدى ماسەلەلەردى كوتەرۋگە نيەت ءبىلدىردى. ە. ىدىرىسوۆ سايلاۋ قارساڭىندا قۇرامىنا سايكەسىنشە 120 جانە 33 مەملەكەت كىرەتىن بۇۇ- دىڭ ەكى ءىرى بىرلەستىگىنىڭ، ياعني قوسىلماۋ قوزعالىسى مەن لاتىن امەريكاسى جانە كاريب باسسەينى مەملەكەتتەرىنىڭ توبىنىڭ تۇراقتى وكىلدەرىنىڭ الدىندا ءسوز سويلەدى. وسى كەزدەسۋلەر بارىسىندا قر ءسىم باسشىسى ديپلوماتتاردى تەرروريزمگە قارسى كۇرەس، قارۋسىزدانۋ مەن جاپپاي قىرىپ جويۋ قارۋىن تاراتپاۋ سالالارىنداعى مەملەكەت باسشىسىنىڭ جاھاندىق باستامالارىنا جانە مەملەكەت باسشىسىنىڭ «الەم. XXI عاسىر» مانيفەسىنىڭ مازمۇنىنا جان- جاقتى توقتالا وتىرىپ، قازاقستان سىرتقى ساياساتىنىڭ وزەكتى باسىمدىقتارىمەن تانىستىردى.
بۇدان باسقا، ە. ىدىرىسوۆ يتاليا، شۆەتسيا، نيدەرلاندى، ەفيوپيا، تايلاند سىرتقى ساياسي ۆەدومستۆولارىنىڭ باسشىلارىمەن، ب ۇ ۇ جانىنداعى ۇلىبريتانيا، فرانتسيا، قىتاي، اقش، جاپونيا، فينليانديا، ءۇندىستان، پاكىستان، يران، تۇركيا جانە ت. ب. ەلدەردىڭ تۇراقتى وكىلدەرىمەن كەزدەسۋلەر مەن كەلىسسوزدەر وتكىزدى. ولاردىڭ بارىسىندا ەكىجاقتى قاتىناستار مەن كوپجاقتى الاڭدارداعى ءوزارا ءىس- قيمىل ماسەلەلەرى تالقىلاندى.
ق ر سىرتقى ىستەر ءمينيسترى ساپارىنىڭ سوڭعى كۇنىندە اقش مەملەكەتتىك حاتشىسىنىڭ كومەكشىسى نيشا بيسۆالمەن كەزدەستى. كەزدەسۋ بارىسىندا قازاقستاندىق- امەريكالىق ستراتەگيالىق ديالوگتى ىلگەرىلەتۋ بويىنشا، ەكىجاقتى ىنتىماقتاستىقتىڭ جانە حالىقارالىق كۇن ءتارتىبىنىڭ كەڭ اۋقىمدى ماسەلەلەرى بويىنشا پىكىر الماستى.
جالپى، ق ر سىرتقى ىستەر ءمينيسترى ە. ىدىرىسوۆتىڭ نيۋ- يورككە كەزەكتى ساپارى بۇۇ قاۋىپسىزدىك كەڭەسىندەگى ورىنعا مەملەكەتىمىزدىڭ ءوتىنىمىن تابىستى بەكىتىپ قانا قويماي، سونداي- اق مەملەكەت باسشىسىنىڭ سىرتقى ساياساتقا قاتىستى عالامدىق باسىمدىقتارىن ودان ءارى ىلگەرىلەتۋدى قامتاماسىز ەتتى.
